Paipel JOSUA 24
24
Än Josua kapasen amwirimwir
24.1-28
Mürin, Josua a emwichafengeni ekewe ainangen Israel meinisin lon Sikem. A körifengeni ekewe souakom, ekewe souemwen, ekewe soukapwüng me ekewe meilapen Israel. Iwe, ra feito fän mesen Kot. Iwe, Josua a üreni ekewe aramasen Israel meinisin, “Iei alon ewe Samol mi Lapalap ewe Koten Israel, ‘Me lomlom, ämi kewe lewo ra nom pekilan ewe chanpupu Oifrat o fel ngeni pwal ekoch kot. Eman me leir itan Tera semen Apraham me Nahor. Ken 11.27 Mürin üa angei Apraham ämi we lewo seni ewe fanü pekilan ewe chanpupu o emwenifeili lon ewe fanü Kanaan, üa pwal awora chomong mwirimwirin. Üa ngeni Apraham Isaak, Ken 12.1-9; Ken 21.1-3 mürin üa ngeni Isaak Jakop me Esau. Iwe, üa ngeni Esau ewe chukuchukutän Etom pwe epwe fanüeni, nge Jakop me nöün kewe ra feila Isip. Ken 25.24-26; Ken 36.8; Tut 2.5; Ken 46.1-7 Mürin üa tinala Moses me Aaron, üa pwal ariaföüü chon Isip ren sokun feiengau üa föri ngeniir. Nge mürin üa emwenikemiiwu. Eks 3.1–12.42 Üa emwenawu ämi kewe lewo seni Isip. Nge ekewe chon Isip ra tapweriir fän war woken me chon wawa oris o toriir me ren ewe Setipar. Iwe, lupwen ämi kewe lewo ra siö ngeniei, üa awora rochopwak lefiler me ekewe chon Isip, üa pwal föri pwe ewe matau a pwölürela o amopuur. Ämi oua silei mine üa föri ngeni ekewe chon Isip. Iwe, oua nom lon ewe fanüapö fansoun langatam. Eks 14.1-31 Mürin üa emwenikemiila lon fanüen chon Amor mi nom ötiuen ewe chanpupu Jortan. Iwe, ra maun ngenikemi, nge ngang üa awinnakemi. Ämi oua fanüeni fanüer, nge ngang üa aroserela me mwemi. Num 21.21-35 Mürin, Palak ewe kingen Moap nöün Sippor we mwän a maun ngenikemi. Iwe, a titi Palam nöün Peor we mwän pwe epwe anümamauakemi. 10 Nge ngang üsap mochen aüselinga Palam, iei mine a afeiöchükemi. Iei usun üa amanauakemi seni Palak. Num 22.1–24.25 11 Mürin oua feila pekilan ewe chanpupu Jortan o tori Jeriko. Iwe, ekewe re Jeriko ra maun ngenikemi, pwal ekewe chon Amor, chon Peris, chon Kanaan, chon Hit, chon Kirkas, chon Hiw me chon Jepus. Nge üa akufuur meinisin o awinnakemi. Jos 3.14-17; Jos 6.1-21 12 Iwe, üa atolongeer lon niuokus me rükö, pwe üpwe asüela ekewe ruoman kingen chon Amor me mwemi. Ei esap fis ren nöümi ketilas ika wokumi esefich. Eks 23.28; Tut 7.20 13 Iwe, üa ngenikemi eu fanü ämi ousap angang ngeni, üa pwal ngenikemi telinimw pwe oupwe imweimw lon, nge sap aüemi, oua pwal ochoch föün irä seni ekewe tanipin irän wain me olif, nge sap fotukiemi.’ Tut 6.10-11
14 Iei mine oupwe meniniti ewe Samol mi Lapalap o angang ngeni fän leten lelukemi pwal fän allükülüköch. Oupwe pöütala ekewe kot ämi kewe lewo ra fel ngeniir me pekilan ewe chanpupu Oifrat pwal me Isip, nge oupwe chök angang ngeni ewe Samol mi Lapalap. 15 Nge ika ousap mochen angang ngeni ewe Samol mi Lapalap, ikenai oupwe filätä iö oupwe angang ngeni. Oupwe filätä ika oupwe angang ngeni ekewe kot ämi kewe lewo ra angang ngeniir me lon ewe fanü pekilan ewe chanpupu Oifrat, ika än chon Amor kewe kot mine fanüer we oua nom lon. Nge ngang me chon leimwei, äm aipwe angang ngeni ewe Samol mi Lapalap.”
16 Iwe, ekewe aramas ra üreni, “Äm aisap fokun likitala ewe Samol mi Lapalap o angang ngeni pwal ekoch kot. 17 Pun ewe Samol mi Lapalap äm we Kot, i a emwenikeemiwu me äm kewe lewo seni ewe fanü Isip, ewe leni ia ra nöünikem amanau ie. Aia küna ekewe manaman i a föri. A tümwünükem lon unusen äm sai lein chon ekewe mwü meinisin ia aia pwerela ie. 18 Iwe, ewe Samol mi Lapalap a asüela me mwem chon ekewe mwü meinisin, pwal ekewe chon Amor mi nom lon ewe fanü. Iei mine pwal äm aipwe angang ngeni ewe Samol mi Lapalap, pun i äm Kot.”
19 Nge Josua a üreni ekewe aramas, “Ämi ousap tongeni angang ngeni ewe Samol mi Lapalap, pun i eman Kot mi pin, i pwal eman Kot mi lukomong. Esap mochen amusala ämi pupungau me tipis. 20 Are oua likitala ewe Samol mi Lapalap o angang ngeni pwal ekoch koten ekis, i epwe kul o afeiengauakemi. Epwe arosakemiila mürin an afeiöchükemi.” 21 Nge ekewe aramas ra üreni Josua, “Apwi, äm aipwe chök angang ngeni ewe Samol mi Lapalap.” 22 Mürin, Josua a üreni ekewe aramas, “Ämi oua püsin chon pwärätä fän itemi, pwe oua filätä ewe Samol mi Lapalap pwe oupwe angang ngeni.” Nge ir ra üreni, “Äm aia chon pwärätä.” 23 Mürin, Josua a üreniir, “Oupwe pöütala ekewe koten ekis mi nom remi o akulu lelukemi ngeni ewe Samol mi Lapalap ewe Koten Israel.” 24 Iwe, ekewe aramas ra üreni Josua, “Äm aipwe chök angang ngeni äm Kot ewe Samol mi Lapalap, aipwe pwal aleasochis ngeni alon.” 25 Iwe, lon ewe ränin Josua a angei än ekewe aramas pwon, a pwal föri allük me pwüüng fän iter me lon Sikem. 26 Iwe, Josua a makei ekei kapas lon än Kot we puken allük. Iwe, a angei eföü fau watte o aüetä fän ewe irä ook lon ewe leni mi pin än ewe Samol mi Lapalap. 27 Nge Josua a üreni ekewe aramas meinisin, “Nengeni, ewe fau epwe eu pisekin pwärätä ngenikich, pun a rongorong ekewe kapas meinisin ewe Samol mi Lapalap a ürenikich. Iei mine epwe eu pisekin atuttur ngenikemi, are oua ü ngeni ämi we Kot.” 28 Mürin, Josua a tinala ekewe aramas eman me eman ngeni fanüan.
Josua me Eleasar ra mäla
24.29-33
29 Mürin an fis ekei mettoch, Josua nöün Nun we mwän, nöün ewe Samol mi Lapalap we chon angang, a mäla, lupwen a ierini ipükü engol. 30 Iwe, ekewe aramas ra peiaseni lon püsin fanüan me lon Timnat-sera mi nom won chukuchukutän ewe fanü Efraim peliefengin ewe chuk Kaas. Jos 19.49-50
31 Iwe, chon Israel ra angang ngeni ewe Samol mi Lapalap lon ränin manauen Josua meinisin, pwal lon ränin manauen ekewe souakom mi manauatam seni Josua, ir mi silei ekewe föför meinisin ewe Samol mi Lapalap a föri fän iten Israel.
32 Iwe, ekewe aramasen Israel ra peiaseni chün Josef ra uwato me Isip. Ra peiaseni lon Sikem, lon kinikinin ewe fanü Jakop a möni won ükükün ipükü föün moni silifer seni nöün Hamor kewe mwän, nge Hamor semen Sikem. Ei fanü a wiliti fanüen mwirimwirin Josef. Ken 50.24-25; Eks 13.19; Ken 33.19; Joh 4.5; Föf 7.16
33 Mürin, Eleasar nöün Aaron we mwän a mäla. Iwe, ra peiaseni lon Kipea ewe telinimw mi nom won chukuchukutän ewe fanü Efraim, ra ngeni Pineas nöün we mwän.

24:2: Ken 11.27

24:3: Ken 12.1-9; Ken 21.1-3

24:4: Ken 25.24-26; Ken 36.8; Tut 2.5; Ken 46.1-7

24:5: Eks 3.112.42

24:7: Eks 14.1-31

24:8: Num 21.21-35

24:10: Num 22.124.25

24:11: Jos 3.14-17; Jos 6.1-21

24:12: Eks 23.28; Tut 7.20

24:13: Tut 6.10-11

24:30: Jos 19.49-50

24:32: Ken 50.24-25; Eks 13.19; Ken 33.19; Joh 4.5; Föf 7.16