Tii Pwicîri: Âmu Aamwari naa na cî Auinapàpari 12
12
1 <δ> Tô ilàri ma pwi Dàragô
[Gée na càùru pwiri, â go côo mwara naa na nyuâa, pâ pàra muru na o mwa tèepaa.] Ba tèepaa naa gopaérenao ê jè câmu kêe na dau maina, [na rà pò goo pâ âboro]. Wàépwiri, ê tô jè ilàri na pwényuâa* Tô jè ilàri na pwényuâa—Ucina goro ê Ba kà Pwiduée, na é còobé géewê wà pwi Mesia (Pwina naîê). Pwi Ba kà Pwiduée, âna wà tèpa Isaraéla, â nabàni, âna diri tàpé na rà pâra wiâ Iésu., na é coona i tòotù, â tâa aranara du âê ê parui. Â wâna pûruê ê bwe korona, na pwa goro 12 îricò. Michée 4.10Â é maagé côo, ba ée jèe pitàmari èpo. Â é i goro ê aré ma tòina kêe na dau maina.
Daniel 7.7Â é nye tèepaa me kaa naa gopaérenao ê jè câmu kêe—ê jè pé walàuma kâra duée, wà pwi Dàragô Dàragô—Dragon. Naa na tâgadé kà tèpa Juif, âna pé diopwaa kâra âgòri na tâa na numwiri, na é pwi âboro capwi. Nee mwara Léviathan (Psaume 74.14). Naani, âna pwi Dàragô, âna jè nee Caatana. (Côo nee tii 9.). Â po mii ê naiié, â po 7 pûruê, na jèpa tâa gò, ê nari bwe korona. Â po 10 gi kêe. Daniel 8.10Â é dàti boo, goro ê tûgòé, ê pwi caapwi ére gée goo âracié ére, gée goro ê pâ îricò wânidò napwéretòotù. Â é urarà boo naa gòropuu. Â nabwé, â é tà coo ara i tô ilàri na pigéaa, ba na é uti i pwi èpo kêe wiàna é pitàmariê.
Psaume 2.9; Ésaïe 7.14, 66.7; Auinapàpari 19.15Napwa naa goo wà i pwi èpo, âna ée mwa pitûâ kâra diri ê pâ Ba, goro i tâjò paò kêe.
Ûna pitèpaé, â nye upaé kaa, jii i pwi Dàragô, naa jaa Pwiduée, naa na autâa kêe. Â é uru naa namaré i tô nyaa kêe, naa na autâa na é jèe pwabwàti ba kêe, wà Pwiduée. Â o mwa èrùé naawê, naa na 1 260 tòotù.
É ipaa dèe Mikaéla
Jude 1.9Géewê, â nye pwa paa kaa wânidò *napwéretòotù [jaa Pwiduée]. Ba wà pàra tèpa *angela, ma Mikaéla, pwi ukai kàra, âna rà ipaa ma wà i pwi Dàragô ma tèpa duée Tèpa duée kêe—Grec: Angela. Êco na rà tèpa angela na èpà, na jè ina goorà pâ, duée. kêe. Â rà piétò jiirà. Â rà tü còobé i Dàragô ma tèpa duée, gée napwéretòotù, Genèse 3.1,14; Luka 10.18, 22.31; Auinapàpari 20.2boo naaniboo gòropuu.
(Napwa naa goo i pwi Dàragô maina bèepwiri, âna wàé kaa pwiri, wà i pwi dòèa gée na biu. Â nee, âna ‘Pwi a cicarajè’, é, *Caatana. Â wàé kaa pwiri, na é pwi a-ipa-imwüru tèpa âboro pitiri ê gòropuu.)
10  Job 1.11; Zakarie 3.1[Gée na càùru ê pai tûu kêe] â go têre ê pwâratùra na dau maina, naanidò gopaérenao, na ina pâ:
 
«Jèe tèepaa tòotù
[na jè tapacîri]!
É paari pàtàmee
wà Pwiduée kâjè!
Ée pa-udò ê Ba kêe!
É tòpò Mwaciri kêe,
naa tàrù târa pitûâ
kà pwi Mesia kêe!
Ba é tü tà Caatana,
pwi a piciapwâ goojè.
Ia é mu pitòtijè
naa jaa Pwiduée,
naa ne ma pwaa.
 é jèe tûu awé!
11 Rà jèe piétò jiié
wà tèpa béejè,
goro ê domii
kà *Pwi nari mutô;
goro ê popai
na rà *paâjupâra.
Ba càra caa piwâ,
na rà bà, ba kêe.
12  Ésaïe 44.23, 49.13Ipwàdée naa napwéretòotù!
Maagé côo naa gòropuu!
Au, wârigà co nawià!
É dau putàmu Caatana.
Ba é tûuboo dariwà.
 jèe ticè pàara kêe. Nabwé!»
É capwâri i tô ilàri wà Dàragô
13 É côoina wà Dàragô pâ, jèe tü têe boo naa gòropuu. Â é capwâri i tô ilàri§ É capwâri i tô ilàri—Wâru pâ muru ni, na pwacèwii ê pai upa tèpa Isaraéla jii ukai Faraô na Aigupito. (Côo Exode 1.22; 14.8; 19.4; Nombres 16.31–33.), ba na é tubaèpà têe. Ba wà tôoni na ia é pitàmari i pwi âboro èpo. 14  Daniel 7.25, 12.7Êco na jèe naa tà tôoni, ê du wàraîri i marü bwaamata. Â é tâ jiié* Jiié—Grec: Jii i dòèa., naa namaré, wâna ê autâa, na jèe pwabwàti ba kêe. Â o ipièrù wâgooé, naawê, naa na âracié naja â gòobèreè Âracié naja â gòobèreè—Pai ina wèe pâ, 42 parui, âna 1 260 tòotù. (Côo Auinapàpari naporomee 2–3.) Grec: Na caapwi pàara, ma pâ pàara, ma jè gòobàra pàara..
15 Â i pwi Dàragô Dàragô—Grec: Dòèa., âna é kòpi gée pwêe, pâ jawé na wâru, na pâ nau jèpé, ba na é wâri gò i tô ilàri. 16 Êco na é nye òmaa kaa ê napuu, â é namiri i jawé. 17  Auinapàpari 11.7Â é nye dau putàmu kaa i pwi Dàragô, naa goo i ilàri. Â é pâra nau ipaa, tà diri pàra tèpa naî tôoni—wà tàpé na rà pitêre dà Pwiduée, ma paâjupâra pâ, rà tèpa âboro kà Iésu§ Paâjupâra… é, Rà tà cimwü, naa goro ê âjupâra na é paari wà Iésu..
18 Â nabwé, â é tà coo i pwi Dàragô wâ bàrawià.

*12:1 Tô jè ilàri na pwényuâa—Ucina goro ê Ba kà Pwiduée, na é còobé géewê wà pwi Mesia (Pwina naîê). Pwi Ba kà Pwiduée, âna wà tèpa Isaraéla, â nabàni, âna diri tàpé na rà pâra wiâ Iésu.

12:2 Michée 4.10

12:3 Daniel 7.7

12:3 Dàragô—Dragon. Naa na tâgadé kà tèpa Juif, âna pé diopwaa kâra âgòri na tâa na numwiri, na é pwi âboro capwi. Nee mwara Léviathan (Psaume 74.14). Naani, âna pwi Dàragô, âna jè nee Caatana. (Côo nee tii 9.)

12:4 Daniel 8.10

12:5 Psaume 2.9; Ésaïe 7.14, 66.7; Auinapàpari 19.15

12:7 Jude 1.9

12:7 Tèpa duée kêe—Grec: Angela. Êco na rà tèpa angela na èpà, na jè ina goorà pâ, duée.

12:9 Genèse 3.1,14; Luka 10.18, 22.31; Auinapàpari 20.2

12:10 Job 1.11; Zakarie 3.1

12:12 Ésaïe 44.23, 49.13

§12:13 É capwâri i tô ilàri—Wâru pâ muru ni, na pwacèwii ê pai upa tèpa Isaraéla jii ukai Faraô na Aigupito. (Côo Exode 1.22; 14.8; 19.4; Nombres 16.31–33.)

12:14 Daniel 7.25, 12.7

*12:14 Jiié—Grec: Jii i dòèa.

12:14 Âracié naja â gòobèreè—Pai ina wèe pâ, 42 parui, âna 1 260 tòotù. (Côo Auinapàpari naporomee 2–3.) Grec: Na caapwi pàara, ma pâ pàara, ma jè gòobàra pàara.

12:15 Dàragô—Grec: Dòèa.

12:17 Auinapàpari 11.7

§12:17 Paâjupâra… é, Rà tà cimwü, naa goro ê âjupâra na é paari wà Iésu.