Tii Pwicîri: Âmu Aamwari naa na cî 1 Korénito 13
13
Pimeaari
Wiàna go pwa
pâ pairi pâ âboro diri,
ma pâ pai tèpa *angela,
â wiàna ticè pimeaari gooò,
â nye po pwa aio co,
pwacèwii kilo,
é, târa ilò na é tûu* Târa ilò na é tûu—Grec: Sinebalo (cymbale) na pwa aié..
Mataio 17.20Wiàna go pame
popai kà Pwiduée;
wiàna go tâmogòori diri
pâ muru ni gòropuu,
pâ muru na tâa na wâbinyiri;
â wiàna ticè pimeaari gooò,
â nye piticèmuru naa gooò.
Wiàna dau maina cèikî kôo,
ma go pagù pâ jaa,
â wiàna ticè pimeaari gooò,
â nye piticèmuru naa gooò.
Wiàna go naa
diri pâ neemuruô
tà tàpé na ticè kàra;
â wiàna go panuâ naiio
ba na go pi-ina kôo Ba na go pi-ina kôo—é, Ba na o cîri. Càcaa pwéelaa naa na grec.,
â wiàna ticè pimeaari gooò,
â nye piticèmuru naa gooò.
Wàéni pai pwa wàra pimeaari
Wàéni ê pai pwa
wàra ê pimeaari:
Jè pidàpwicâarijè.
Jè pitu tà pàra tàpé.
Câjè caa tèpa piboo.
Câjè caa pi-ina kâjè.
Câjè caa tèpa maina nüma.
Câjè caa pwa-imudiri muru.
Câjè caa piniimirijè co.
Câjè caa tèpa putàmu.
Câjè caa tèpa tà niimiri na èpà
naa na pwâranümajè.
Roma 12.9Wàéni ê pimeaari:
Na jè ipwàdée
goro ê âjupâra;
â jè pikîri goro
ê pwina càcaa *tàrù.
1 Pétéru 4.8Jè nye ciburà cèikî.
Jè nye ciburà tapacîri.
Jè nye ciburà kakeri.
 càcaa oratâjè goo.
Ée mwa tâa dàra gòiri awé
Dà na ée mwa tâa
dàra gòiri awé?
Nye ê pimeaari!
[O nye cau tiàu
pâ âraimeai]:
O nye tiàu
tèpa *péroféta.
O nye tiàu
pai pipa popai
naa pwâratùra na ité.
O nye tiàu
pai tâmogòorimuru.
Càcaa tâbawêe
ê autâmogòorimuru
na naa tâjè.
Càcaa tâbawêe
ê popai kâjè
naa na nee Pwiduée.
10 O tiàu diri
ê pwina càcaa tâbawêe,
ba ée mwa tèepaa me
pwina tâbawêe!
 
11 Na go bwaa èpo,
â go tùra pwacèwii nari èpo,
â go niimiri pwacèwii nari èpo.
Ûna go jèe maina,
â go naaco diri
pai pwa kâra nari èpo.
12 Bwaa câjè pâji côo bwàti;
jè niâ naa na garaaci [na tòri].
Êco na, na jè tòotù,
âna jè o mwa bàra côoê
naa na pai tâa kêe.
Bwaa câjè caa tâmogòori diri.
Êco na, na jè tòotù,
â jè mwa bàra tâmogòori bwàti Jè mwa bàra tâmogòori bwàti—Jè mwa bàra côo Pwiduée ma tâmogòorié bwàti. Grec: Jè mwa côo{ê} naa na naporomee.,
pwacèwii Pwiduée,
na é tâmogòorijè bwàti.
 
13  1 Tésalonika 1.3Tâa tâjè pâ muru na âracié:
Ê cèikî, ê pitapacîri,
bau ê pimeaari.
 wà pimeaari,
na dau maina naa nadàpàra.
Nabwé!

*13:1 Târa ilò na é tûu—Grec: Sinebalo (cymbale) na pwa aié.

13:2 Mataio 17.20

13:3 Ba na go pi-ina kôo—é, Ba na o cîri. Càcaa pwéelaa naa na grec.

13:6 Roma 12.9

13:7 1 Pétéru 4.8

13:12 Jè mwa bàra tâmogòori bwàti—Jè mwa bàra côo Pwiduée ma tâmogòorié bwàti. Grec: Jè mwa côo{ê} naa na naporomee.

13:13 1 Tésalonika 1.3