1 KIT momoder ni kailan pilap en Papel akan o janejan, ni at tamanda Jion.

2 Kit lanadar at arp akan nin tuka kan, me mi waja o,

3 Pwe me jali kit edi inda, jen kaul, o jen pereperen ni at mamaiei: Komail wiai on kit kaul apot duen Jion.

4 Iaduen at pan kak wiada kaul on Ieowa nan jap en men wai?

5 Ma i pan monoke uk ala Ierujalem, pa i pali maun ap pil pan monokinokla.

6 Lo i pan paj on pan natanat ai, ma i jolar pan taman uk adar, ma i jolar pan peren kida Ierujalem mon meakaroj.

7 Main Ieowa, kom kotin tamanda en men Edom ar lokolokaia ni ran apwal en Ierujalem: Kawela, kawela lao lel on nan pwel!

8 Toun Papel, morjued koe, re meid pai, me pan wiai on uk duen me koe wiadar!

9 Meid pai ir, me pan koledi noum jeri pwelel o kajuk pajan nin takai!