138
I KAPINA komui jan nan monion i, i pan kakaule kin komui mon dikedik en ani kan.
I pan kakaudok inen won japwilim omui im en kaudok jaraui, o kapina mar omui, pweki omui kalanan o melel, pwe kom kotin kalinanada mar omui jan meakaroj ki omui majan.
Ni ai likwir won komui, komui ap kotin mani ia, o kom kamanada monion i melel.
Main Ieowa, nanmarki en jappa karoj pan kapina komui, ni ar pan ron majan en jilan ir,
O re pan kauleki al en Ieowa kan, pwe linan en Ieowa meid laud.
Pwe Ieowa me lapalap ap kotin ireron me tikitik kan, o a kotin mani me aklapalap, jan ni waja doo.
Ni ai weweid nan kamajak melel, kom kin kotin kolekol on ia maur i, o kom kin kapa won lim omui pan makar en ai imwintiti kan, o kom jauaja ia da ki lim omui maun.
Ieowa pan kotin wiawia ia. Main Ieowa, omui kalanan me pan potopot eta; Kom der kotin muei jan dodok en lim omui kan.