1 KOMAIL kainok karoj lopolop o kapina Kot ki nil kaperen!

2 Pwe Ieowa me lapalap kaualap, a meid kalank; i Nanmarki lapalap nin jap akan karoj.

3 A kotin kaloedi on kitail wei kan o aramaj akan pan nä atail.

4 A kotin piladan kitail atail jojo, linan en Iakop, me a kotin pok on. Jela.

5 Kot kotida nijinij, o Ieowa ki nil en koronete kelail.

6 Kauli on Kot pjalm ko! Kaulki pjalm ko! Kauli on atail Nanmarki! Kakaul!

7 Pwe Kot Nanmarki nan jap karoj; komail kaul ki pjalm ni lolekon.

8 Kot Nanmarki en men liki kan; Kot kotikot pon mol a jaraui.

9 Jaupeidi en wei kan pokon pena wiala wein Kot en Apraam; pwe pere en mauin nin jappa me japwilim en Kot. A kotin lapalap melel.