Kadede Kap Pjam Akan Pjalm 48
48
IEOWA meid lapalap, o a indand mau melel nan kanim en atail Kot, pon japwilim a dol jaraui!
Meid kajelel en dol Jion a uda, me jap karoj kin peren kida; ni pali apon kanim en nanamarki lapalap mimi ia.
Toun im kalaimun akan aja Kot, me i pere parail.
Pwe kilan, nanmarki kan pokon pena, ap daulul wei.
Irail puriamui kila ni ar kilaner mepukat; irail majapwekadar o taner.
Irail rerer, o re majak dueta li pan naitik amen.
Kom kin kotin kawela jop en Tarjij ki an en maj en lan.
Duen atail ronadar, iduen kitail kin kilanada nan kanim en Ieowa Jepaot, nan kanim en atail Kot; Kot kin kolekol i kokolata. Jela.
Main Kot je kin tamatamanda omui kalanan nan japwilim ar tanpaj im en kaudok.
10 Main Kot duen mar omui iduen wau omui lel ni imwin jappa; pali maun omui me dir en pun.
11 Dol en Jion en pereperen, o nain Iuda jeripein ko en injenemauki omui kadeik kan.
12 Komail kaidon kapil pena Jion, wadok im ten kan;
13 Kilekilan mau a kel takai kan, o kajakajaui a im kalaimun akan, pwe komail en kak kajoia on men mur akan,
14 Me Kot men et, pan atail Kot anjau karoj kokolata. A pan kotin kalua kitail kokolata.