1 KOT atail kaporopor o kele patail, o jauaj patail ni atail apwal akan, me lel don kitail.

2 I me je jota pan majak, menda ma jappa pan jorela, o nana kan pan kirila nan waron en madau.

3 Menda ma a iluk kan pan onionida o pudopudeda, o ma a kelail on kawela nana kan. Jela.

4 Pwe kanim en Kot pan pereperen a duedueta ianaki utun pil, me mi lole, waja me tanpaj jaraui en me Lapalap o mia ia.

5 Kot kotikot lole, i me a pan tenetenki kokolata; Kot pan kotin jauaja i nin joran.

6 Men liki kan kin linaranar o wei kan pan ola, jappa pan joredi, ma a pan kotin majani.

7 Ieowa Jepaot kotin ieian kitail; Kot en Iakop i pere patail. Jela.

8 Komail kodo, kilan dodok lapalap en Ieowa, me kotin dodok kelail nin jappa,

9 Me kotin kadukiedi mauin lel ni imwin jap karoj o katip pajan kajik katieu, o kawela katieu, o karona kila kijiniai war en mauin akan.

10 Komail nenenla o ajada, me Nai ta Kot. I pan kawauwi pein Nai ren men liki kan, I pan kalinanada nin jappa.

11 Ieowa Jepaot kotin ieian kitail; Kot en Iakop i pere patail. Jela.