Kadede Kap Pjam Akan Pjalm 28
28
MAIN, ai paipalap, i lao likwir won komui, kom der kotin japaimokid, pwe ma re pan japaimokid, i pan dueta ir, me pan lokidokila nan por o.
Kom kotin mani nil en ai nidinid, i lao likwir won komui, i lao kapa won pa i kat mol omui jaraui.
Re der kotin kajapoke ia la ianaki me japun kan, ianaki me wia jued, me kin lokaia kajelel on men impa, ap lamelame jued nan monion arail.
Kotin depuk on ir duen ar dodok o duen ar tiak jued; kotiki on ir duen dodok en pa arail; katini on ir duen ar wiawia.
Pwe re jota injenoki dodok en Ieowa de wiawia en lim a kan; i me a pan kotin kawe ir ala, a jota kauada.
Kapin on Ieowa, pwe a kotin erekier nil en ai nidinid.
Ieowa kel pa i o pere pa i, monion i kin liki i, o jauaj pa i mia. Monion i liki i o i pan danke i ki ai kaul.
Ieowa kele parail; i me manaman on jauaja japwilim a me keidier.
Kotin jauaja japwilim omui aramaj akan o kotin kamauiala japwilim omui jojo, o kotin kamana ir o apwali irail ada kokolata!