29
KOMAIL lapalap akan, wa don Ieowa, wa don Ieowa wau o manaman!
Wa don Ieowa wau en mar a, poni Ieowa ni omail kapwat jaraui!
Kapiti en Ieowa mi pon pil akan; Kot en linan kin wiada nanjapwe, iei Ieowa en pil kalaimun akan.
Kapiti en Ieowa me manaman, kapiti en Ieowa me linan.
Kapiti en Ieowa kin katip pajan jeder akan; Ieowa kin kotin katip pajan jeder akan en Lipanon.
A kin kotin kalukaluj irail dueta kau pul amen, Lipanon o Jirion dueta kau pul ol amen.
Kapiti en Ieowa kin lujwei dueta umpul en kijiniai.
Kapiti en Ieowa kin kamokidada jap tan; Ieowa kotin kamokidada jap tan en Kadej.
Kapiti en Ieowa kin kamokidada tia kan o kakilejauiada nana kan, o nan tanpaj a im en kaudok karoj kin kapina i.
10 Ieowa kotikot pon pil akan o Ieowa pan Nanmarki kokolata.
11 Ieowa pan kamanada japwilim a aramaj akan; Ieowa pan kotin kamaui japwilim a aramaj akan ki popol.