Tii Pwicîri: Âmu Aamwari naa na cî Auinapàpari 5
7 aupii goro tii <β>
5
(Naporomee 5–7; 8.1–5)
É tàpiri tii wà Pwi nari mutô
Ésaïe 29.11; Ézékiel 2.9–10Go côo ê tii na pipîri, na é cipa goro îê étò wà Pwi Ukai, na é gére tâa gò jè autâa. Pwa aupwa tii bèepi ê pwi tii-bà. Â pwa pâ aupii na rà po 7* Pâ aupii na rà po 7—Pigabia bwàti goro buci (cire de bougie). Â wà pwi awii tii, âna é pwa câmu kêe naa na buci.. Â go côo jè *angela na dau pwa pàtàmee, na é tomara too, â é ina pâ: «Wàilàapà cèna pâriê ma é tipi ê pâ aupii, ma pòpwara ê tii bèeni?»
Êco na nye ticè pwi jè âboro, cèna pwa tàrù kêe ma pwa pàtàmee ma é tipi ma pòpwara i tii, ma é côo—ticè nidò napwéretòotù, ma wâni gòropuu, ma wâna aranara napuu. Â go i, â go dau i, gée goro na nye ticè pwi jè âboro na pâriê ma é tipi.
Genèse 49.9; Ésaïe 11.1,10; Auinapàpari 22.16Â é ina tôo i pwi jè ârapàara i tèpa ijiao pâ: «Gà cibwaa i! Ba pwa pwi âboro caapwi, na pâri ma é tipi ê pâ 7 aupii, ma pòpwara ê tii. Ba wà [pwina rà ina gooé pâ] Pwi liô, gée na wâao kà *Juda; wà pwi ukai, na é pwi gòobàra wà ukai *Davita. Ba wàé na é jèe piétò!»
Pâri Pwi nari mutô
Zakarie 4.10; Ioane 1.36; Auinapàpari 13.8Nabwé, â go côo ê *Pwi nari mutô na é gére coo ara ê autâa kà Pwi Ukai, wânabibiu kâra i ârapàpé macii na pwa nyuâarà, ma i tèpa ijiao. Â wàra munaa tétàmwereê, ma pwa *ârapwaailò gooé. Â po 7 pâ gi kêe, ba dau pwa pàtàmee, â 7 âraporomee mwara. Â wàilà pwiri [ê câmu goro] ê Nyuâaê Pwicîri Nyuâaê Pwicîri—Grec: 7 nyuâa., na é cùrué pâ wà Pwiduée, naa gòropuu diri. [Ba ê Nyuâaê Pwicîri, âna pwacèwii 7 nyuâa, naa na pai tâbawêe kêe.]
 wà i Pwi nari mutô, âna é me naa goo i autâa kà i Pwi Ukai, na ia é popa i tii naa na îê étò.  é pa jiié i tii. Psaume 141.2; Auinapàpari 8.3–4 rà cau cigòboo, ma tùu jùrurà araé, i tèpa ârapàpé macii ma wà i tèpa 24 ijiao, ba na rà pwamainaê.  jèpa pwa gitar Gitar—Grec: Harpe. Rà ina mwara wà tèpa ijiao pâ: Horépa. [kà diri tèpa ijiao] ma ê wâra jawé mwani mii, na wâbé goro jawé ûrea. Ba êpwiri, âna ê pâ pwâra pwapwicîri kà tèpa âboro kà Pwiduée. Psaume 33.3, 40.4, 96.1, 98.1 rà nyabiri ê jè nyabi na bwaa âmuê, ma ina pâ:
 
«Wâgà co Pwi nari mutô,
pârigà ma gà pa i tii,
tipi ê aupii goo.
Ba pòtàmwaragà;
Gà pwi ârapwaailò;
Gà naa wâro'gà;
Joro domii'gà,
ba kà tèpa âboro,
gée na diri pâ wâao,
ma diri pâ pwâratùra,
gée na pâ napô diri,
ma diri pâ Ba.
Gà tipirৠGà tipirà—Grec: Gà wârirà. diri,
jii pâ èpà kàra,
ba na rà Ba'gà,
ba kà Pwiduée.
10  Exode 19.6; Ésaïe 61.6; Auinapàpari 1.6, 20.6Rà mwa tâa jaaé* Rà mwa tâa jaaé—Grec: Rà mwa pwa ârapwaailò têe.,
ma piênawéna kêe.
Rà o mwa pitûâ
kâra pâ âboro
naa gòropuu. Nabwé!»
 
11  Daniel 7.10; Hébéru 12.22Â gée na càùé, â go côo, â go têre pâ angela, na rà po dau wâru awé, na pwacoé ma jè pûrarà. Â rà cau cibèepi ê autâa kà Pwi Ukai—pâbéaa wà tèpa ârapàpé macii, â pâ wê wà tèpa ijiao, â tubanabwé naa goo wà tèpa angela bèepwiri. 12 Â rà dau tomara too wà tèpa angela, na rà nyabi pâ:
 
«Pwamaina Pwi nari mutô,
wà Pwi na ia pòtàmwereê!
Ba tà têe pàtàmee,
ma neaapiâ kêe,
autâmogòori kêe,
nii ma muugère kêe.
Pâri ma cagòtùé!»
 
13 Â go têre ê pwâratùra, kâra diri ê pâ pwina é pwa wà Pwiduée naanidò napwéretòotù, ma wâni gòropuu, ma wâ nawià, ma wâboo côwâ kâra gòropuu. Â rà cau nyabi diri pâ:
 
«Ma jè pwamainaru:
Pwi [Ukai maina]
na é tâa goro autâa,
ma Pwi nari mutô.
Jè cagòtù-ru dàra gòiri!
Pwa muugère kàru,
nii ma gòo kàru,
dàra gòiri awé! Nabwé!»
 
14 Â rà tòpi i tèpa ârapàpé macii pâ: «Amen! Wâdé na wàra!» Â rà cau cigòboo, ma tùu jùrurà wà i tèpa 24 ijiao, ba na rà pwamainaru.

5:1 Ésaïe 29.11; Ézékiel 2.9–10

*5:1 Pâ aupii na rà po 7—Pigabia bwàti goro buci (cire de bougie). Â wà pwi awii tii, âna é pwa câmu kêe naa na buci.

5:5 Genèse 49.9; Ésaïe 11.1,10; Auinapàpari 22.16

5:6 Zakarie 4.10; Ioane 1.36; Auinapàpari 13.8

5:6 Nyuâaê Pwicîri—Grec: 7 nyuâa.

5:8 Psaume 141.2; Auinapàpari 8.3–4

5:8 Gitar—Grec: Harpe. Rà ina mwara wà tèpa ijiao pâ: Horépa.

5:9 Psaume 33.3, 40.4, 96.1, 98.1

§5:9 Gà tipirà—Grec: Gà wârirà.

5:10 Exode 19.6; Ésaïe 61.6; Auinapàpari 1.6, 20.6

*5:10 Rà mwa tâa jaaé—Grec: Rà mwa pwa ârapwaailò têe.

5:11 Daniel 7.10; Hébéru 12.22