1  NAI inda: I pan kanai on al ai kan, pwe i ender wia dip ki lo i. I pan jali pena au ai arain en me japun o mi re i.

2 I kadukiedier ai lokaia o nenenlar o jolar inda duen peren, a ai kalokolok lalaudalar.

3 Monion i karakaradar nan kapedi, o ma i pan tamanda mepukat, a rajon kijiniai lulada; i ap lokaia kida lo i.

4 Main, kotin padaki on ia, me maur i pan imwijokela, o imwi pan ai ran akan, me i pan jamoer.

5 Mani, ai ran akan dueta tälap en pa en aramaj re omui; o maur i likamata jota meakot mo ’mui. Melel aramaj, me kin keleki pein i, kin dueta adiniai. Jela.

6 Re kin alialu jili rajon mota, o re kin katoutouki pein irail dodok mal. Re kin nanak pena ap jaja, ij me pan naineki.

7 Ari Main, ij me i en auiaui? I kaporoporeki komui.

8 Dore ia la jan dip ai karoj, o kom der mueid on, me pweipwei kan en kaurur kin ia.

9 I pan nenenla o jota jar pajan au ai, pwe kom kotin wiadar.

10 Kotin katukiedi omui kaloke ia; pwe nai dupok kilar ai kalokolok pan lim omui.

11 Ma kom pan kaloke amen pweki dip a, mom a kajelel ap pan juedala likamada man en mot kanala. O meid mal aramaj karoj! Jela.

12 Main kom kotin ereki ai kapakap, o mani ai likwir, o der japaimokid ni ai janejan, pwe nai japwilim omui men kairu o pweledan omui wei men dueta jam ai kan karoj.

13 Kom kotin muei jan ia, pwe i en kelailada, mon ai pan kokowei o jolar mia.