Kadede Kap Pjam Akan Pjalm 25
25
MAIN, i kin inon ion komui.
Ai Kot, i liki komui, jauaja ia, pwe i ender jarodi, o ai imwintiti kan ender peren kida.
Pwe karoj me liki komui, jota pan jarodi, a me pan muei jan komui pan jarodi.
Main, kom kotin kajale on ia al omui kan, o kotin padaki on ia omui tiak kan;
Kalua ia ni omui melel o kalolekon ia! Pwe komui ta ai Kot, me kin jauja ia, ran karoj, i kin auiaui komui.
Main, kom kotin tamanda omui kalanan o omui kapunlol, me tapidar mon kaua.
Re der kotin kupura dip en ai tikitik o ai jopeik; a kupura ia ni ar kapunlol o kalanan! Main Ieowa.
Ieowa me mau o lelapok, i me a kotin padaki on me dipan akan pon al o.
A kin kalua pun me luet akan, o a kotin padaki on me luet akan al a.
10 Al en Ieowa kan me dir en kalanan o melel on ir, me kin kolekol a inau o majan akan.
11 Main, kom kotin maki on ia ai japun kan me lapalap, pweki mar omui.
12 Ij ol, me kin lan Ieowa? A pan kotin padaki on i duen al o, me a en pilada.
13  Nen e pan mi waja mau o kaudaudok a pan aneki jap o.
14 Ieowa kompoke pan me kin lan i, a pan kotin padaki on i duen a inau.
15 Maj ai kin ariri Ieowa anjau karoj, pwe a pan kotin lapwada nä i kat jan nan injar.
16 Kom kotin majan don ia o maki on ia, pwe nai japoupou o luet.
17 Majak en monion i lalaudalar; kotin kalua ia jan nan ai apwal akan!
18 Kom kotin mani ai luet o ai kankaneraner, o kotin maki on ia dip ai kan karoj!
19 Kom kotin mani duen ai imwintiti kan, pwe re me toto, o re kin kailon kin ia ni ar aklapalap.
20 Kom kotin jinjila ai maur o dore ia la, kom kotin apwali ia, pwe i der namenokala, pwe i kin liki komui.
21 Melel o pun en jinjila ia, pwe i auiaui komui.
22 Main Kot, kom kotin dorela Ijrael jan nan ar apwal akan karoj!