133
Feiöchün än pwipwi tipeeufengen
133.1-3
Echö kölün feitä.
Nengeni usun mürinan me apwapwan,
lupwen pwipwi ra nonomfengen fän tipeeu.
Ei sokun a usun chök löön kepit mi aüchea a nitiu won möküren Aaron
o suputiu won alüsan,
a pwal suputiu won kalan üfan.
A pwal usun chök amurenipwinin ewe chuk Hermon,
a püngütiu won ekewe chukun Sion.
Pun ikenan ewe Samol mi Lapalap a anomu an feiöch,
ewe manau esemüch.