131
Ach kinamwe lon Kot
131.1-3
Echö kölün feitä än Tafit.
Ai Samol mi Lapalap, üsap tipetekia lon lelukei,
mesei esap wolamalamtekia.
Üsap aosukosukaei ren mettoch mi kon tekia me amwarar ngeniei.
Nge üa amosonosonaei o akinamweeila,
usun eman semirit a mosonosonola lepöün inan, lupwen a wes seni oupun.
Lelukei a mosonosonola usun eman semirit mi wes seni oupun inan.
Ämi chon Israel, oupwe apilükülükü ewe Samol mi Lapalap seni ei fansoun tori feilfeilachök.