120
Eu iotekin tüngor ngasala seni chon atuputup
120.1-7
Echö kölün feitä * Ekei kölfel seni sopun 120 tori sopun 134 chon Israel ra sou eäniir lupwen ar feitä Jerusalem fansoun ar kewe chulap..
Üa siö ngeni ewe Samol mi Lapalap lon ai riaföü,
nge i a pälüeniei,
“Ai Samol mi Lapalap, kopwe angasaei
seni ekewe chon chofana me chon atuputup.”
 
Ämi chon atuputup, met Kot epwe liwini ngenikemi?
Met epwe pwal föri ngenikemi?
Epwe apwüngükemi ren än eman sounfiu föün esefich mi ken,
ren moochen chia mi sarara.
 
Feiengauei pwe üa siamüfetal lon Mesek
o nonom lon imwen ekewe chon Ketar.
A fansoun langatam ai imweimw
lein chokewe mi oput kinamwe.
Üa tipeni kinamwe. Nge lupwen üa kapas usun,
ir ra tipeni maun.

*^ Ekei kölfel seni sopun 120 tori sopun 134 chon Israel ra sou eäniir lupwen ar feitä Jerusalem fansoun ar kewe chulap.