16
Iotekin apilükülük
16.1-11
Echö än Tafit köl.
Ai Kot, kopwe tümwünüei,
pun üa anomu ai apilükülük womw pwe kopwe ti seniei feiengau.
Üa kapas ngeni ewe Samol mi Lapalap, “En chök ai Samol.
Esap wor ai feiöch lükün en.”
 
Ekewe chon pin mi nom won fanüfan ra iteföüla.
Üa fokun pwapwaäsini ai üpwe nom rer.
 
Ekewe aramas mi filätä pwal ekoch kot ra achomonga ar riaföü.
Üsap fokun etiir, lupwen ra asor,
üsap pwal fel ngeni ar kewe kot.
 
Ai Samol mi Lapalap, en ai, ka fokun aüchea ngeniei.
En ewe mi fang ngeniei meinisin mine üpwe eäni.
Ineti we a nom lon eu fanü mi fokun öch.
Ewer, ineti we a mürina.
 
Üa mwareiti ewe Samol mi Lapalap, pun a öüröüraei,
nge lepwin lelukei a pwal fönöüei.
Iteiten fansoun üa mefi pwe ewe Samol mi Lapalap a nom rei.
Pokiten i a arap ngeniei, üsap tongeni mwökütüküt.
 
Iei mine lelukei a pwapwa o mwänek,
inisi a mefi kinamwe.
10 Pun en ka tümwünüei seni manamanen mäla,
kosap pwal mwüt ngeni noum we mi pin pwe epwe mwöch lon peias. Föf 13.35
11 En ka aiti ngeniei ewe alen manau.
Om nom rei a afisätä ai pwapwa mi somwosom
o awarato ai mwänek tori feilfeilachök. Föf 2.25-28

16:10: Föf 13.35

16:11: Föf 2.25-28