Pohnpeian Bible with Apocrypha MELKAHKA KAN 149
149
Koulen Kaping
Kapinga KAUN-O!
 
Kumwail koulki koul kapw pwoat ong KAUN-O;
kumwail kapinga ih mwohn pokon en sapwellime aramas loalopwoat akan.
Israel, ke en nsenamwahula, pwehki Sounwiepomw;
tohn Saion, kumwail perenda, pwehki amwail nanmwarki.
Kumwail kahlek kapingahki mware;
kumwail kesengki aip oh arp kapikapinga ih.
 
KAUN-O kin kupwurperenki sapwellime aramas akan;
e kin ketin kawauwihkihla me aktikitik kan manaman en powehdi.
Sapwellimen Koht aramas akan en perenkihda ar powehdi
oh re en kokoul en peren pwohng ehu unsek.
Re en ngisingis nindokon ar kapikapinga Koht,
kolokol nair kedlahs keng kan 2 Mak. 15.27.
pwe re en kalowehdi wehi kan
oh kaloke aramas akan;
pwe re en salihkihdi sahl mete ar nanmwarki kan,
ar kaun akan nan seliparail selmete kehlail;
pwe re en kaloke wehi kan nin duwen Koht eh ketin koasoanehdi.
Ih met powehdi en sapwellimen Koht aramas akan.
 
Kapinga KAUN-O!

149:6: 2 Mak. 15.27.