136
Koulen Kapingkalahngan
Kumwail kapingkalahngan ong KAUN-O, pwehki ih me ketin kupwur mwahu;
sapwellime limpoak me poatopoat. 1 Kron. 16.34; 2 Kron. 5.13; 7.3; Esra 3.11; Mel. 100.5; 106.1; 107.1; 118.1; Ser. 33.11.
Kumwail kapingkalahngan ong Koht me keieu lapalapasang koht akan koaros;
sapwellime limpoak me poatopoat.
Kumwail kapingkalahngan ong kaun me keieu roson sang kaun akan koaros;
sapwellime limpoak me poatopoat.
 
Ihete me kin ketin wiahda manaman kapwuriamwei kan;
sapwellime limpoak me poatopoat.
Sapwellime erpit me e ketin wiahkihda nanleng;
sapwellime limpoak me poatopoat. Sen. 1.1.
E ketin kauwada sampah pohn pihl loal akan;
sapwellime limpoak me poatopoat. Sen. 1.2.
E ketin kapikada ketipin oh maram;
sapwellime limpoak me poatopoat; Sen. 1.16.
ketipin mehn kakaun rahn akan;
sapwellime limpoak me poatopoat;
maram oh usu kan mehn kakaun nipwong;
sapwellime limpoak me poatopoat.
 
10 E ketin kemehla mesenih koaros nan Isip;
sapwellime limpoak me poatopoat. Eks. 12.29.
11 E ketin kahluwa mehn Israel ko sang Isip;
sapwellime limpoak me poatopoat; Eks. 12.51.
12 ni roson oh manaman en nin lime;
sapwellime limpoak me poatopoat.
13 E ketin pwalangpeseng Sehd Weitahtao;
sapwellime limpoak me poatopoat; Eks. 14.21-29.
14 e ketin kahluwa sapwellime aramas ako nansedo;
sapwellime limpoak me poatopoat;
15 e ahpw ketin kakihrala nanmwarkien Isip oh iangahki nah karis ko;
sapwellime limpoak me poatopoat.
 
16 E ketin kahluwa sapwellime aramas ako nan sapwtehn;
sapwellime limpoak me poatopoat.
17 E ketin kemehla nanmwarki kehlail kan;
sapwellime limpoak me poatopoat;
18 e ketin kemehla nanmwarki ndand kan;
sapwellime limpoak me poatopoat;
19 Sihon, nanmwarkien mehn Amor;
sapwellime limpoak me poatopoat; Nempe 21.21-30.
20 oh Ok, nanmwarkien Pasan;
sapwellime limpoak me poatopoat. Nempe 21.31-35.
21 E ketikihong sapwarail ko ong sapwellime aramas ako;
sapwellime limpoak me poatopoat;
22 E ketikihong Israel, sapwellime ladu;
sapwellime limpoak me poatopoat.
 
23 E sohte ketin melieikitailla ni atail lohdi;
sapwellime limpoak me poatopoat;
24 E ketin kasaledengkitailla sang atail imwintihti kan;
sapwellime limpoak me poatopoat.
 
25 E kin ketikihong mehkoaros me momour kisin tungoal;
sapwellime limpoak me poatopoat.
 
26 Kumwail kapingkalahngan ong Koht en nanleng;
sapwellime limpoak me poatopoat.

136:1: 1 Kron. 16.34; 2 Kron. 5.13; 7.3; Esra 3.11; Mel. 100.5; 106.1; 107.1; 118.1; Ser. 33.11.

136:5: Sen. 1.1.

136:6: Sen. 1.2.

136:7: Sen. 1.16.

136:10: Eks. 12.29.

136:11: Eks. 12.51.

136:13: Eks. 14.21-29.

136:19: Nempe 21.21-30.

136:20: Nempe 21.31-35.