128
Ketingpen Aramas me kin Peikiong KAUN-O
Meid pai irail kan me kin peikiong KAUN-O,
oh kin momourki sapwellime kosonned akan.
 
Ke pahn kin ale dahme ke anahne sang nan omw doadoahk;
ke pahn kin peren oh paiamwahu.
Omw pwoud pahn kin rasehng tuhkehn wain wohkian ni imwomwo,
oh noumw pwutak kan pahn kin rasehng tuhke olip kapilpene omw tehpel.
Aramas emen me kin peikiong KAUN-O
uhdahn pahn kin ale soangen kupwuramwahu wet.
 
KAUN-O en ketin kupwuramwahwihiuk sang Saion!
Ke en kadehde kapai kan en Serusalem
rahn koaros en omw mour!
Ke en momour oh kak kilang nein noumw seri kan!
 
Popohl en kin ieiangete Israel!