54
Kapakap en Silasil sang Imwintihti kan g TITLE NI MAHSEN EN IPRU: En Depit koul, mwurin ohl ako sang Sip ar kohla rehn Sohl oh patohwanohng me Depit wie rukuruk nan sapwarailo. 1 Sam. 23.19; 26.1.
Maing Koht, komw ketin doarehkiniehla sapwelimomwi manaman;
komw ketin kasaledekehkiniehla sapwellimomwi manaman!
Maing Koht, komw ketin karonge ei kapakap;
komw ketin karonge ei tungoal pato kat!
Aramas aklapalap ekei kohkohdohng peiong ie;
aramas lemei kan songosong en kemeiehla—
soangen aramas me sohte kin wauneki Koht.
 
Ahpw Koht iei sawasepei.
Kaun-o iei soundoarepei.
Koht en ketin kupwure pwe ei imwintihti kan en lokolongki pein ar wiewia suwed kan.
E pahn ketin kamwomwirailla pwehki ih me loalopwoat.
 
Maing KAUN, I pahn patohwan perenki wiahiong komwi ehu meirongen;
I pahn patohwan kapingkalahngankihong komwi
pwehki omwi kupwur mwahu.
Komwi me ketin kapitiehla sang nan ei apwal akan koaros,
oh I patohwanehr duwen ei imwintihti kan ar lohdier.

g^ TITLE NI MAHSEN EN IPRU: En Depit koul, mwurin ohl ako sang Sip ar kohla rehn Sohl oh patohwanohng me Depit wie rukuruk nan sapwarailo.

^ 1 Sam. 23.19; 26.1.