42
Pwuhk keriau
(melkahka 42—72)
Kapakap en me Kalipilipada Men t TITLE NI MAHSEN EN IPRU: En peneinei en Kora ar koul.
Duwen tie men eh kin ngoangki nim pihl lemwlemwur sang ni piletik,
Maing Koht, iei duwen ei kin ngoangkin komwi.
I kin anahne komwi, Koht ieias.
iahd me I pahn kak patohwan kaudok mwohn silangmwi?
Ni rahn oh nipwong I kin sengiseng,
oh ihte me I kin tungutungoale, pilen mesei;
ei imwintihti kan kin ideidek rehi ahnsou koaros,
“Ia omw Kohten?”
 
Mohngiongiet kin okihla ni ei kin tamanda irair en mahs akan,
ni ei kin iang pokon kan kohdalahng nan tehnpas en Koht
oh kahluwa irail ni ar kin alialu kohla,
pereperen, kokoul, oh ngisingiski ar kaping ong Koht.
Dahme I nohn nsensuwedkilahret?
Dahme I nohn pwunodkidahr?
Eri soh, I pahn koapworopworki Koht,
oh I pahn pwurehng kapinga,
ei sounkomour oh ei Koht.
 
6-7 Mohngiongiet tihwolahr wasa me I kalipilipdohnget,
I ahpw sohpeiong Koht.
E ketin koaduhpwalihkihdi ngeni iloak en nsensuwed,
me pwilipwildohng ie rasehng lapake ieu,
rasehng tenihr me ngiringirisek sang pohn Nahna Ermon oh Nahna Misar kohdilahng Sordan.
KAUN-O en ketin kasalehda sapwellime limpoak poatopoat ni rahn,
pwe I en kokoul nipwong,
oh kapakapohng Koht, me kin ketikihong ie mouri.
 
I patohwanohng Koht, ei soundoar,
“Dahme komw ketin likidmeliekiniehla?
Dahme I kin wie lokolongki
pahn manaman en ei imwintihti kan?”
10 I mwoatohtkilahr ei imwintihti kan ar kin kepweikengih ie,
ni ar kin ideidek rehi,
“Ia omw Kohten?”
 
11 Dahme I nohn nsensuwedkilahret?
Dahme I nohn pwunodkidahr?
Eri soh, I pahn koapworopworki Koht,
oh I pahn pwurehng kapinga,
ei sounkomour oh ei Koht.

t^ TITLE NI MAHSEN EN IPRU: En peneinei en Kora ar koul.