Pohnpeian Bible with Apocrypha MELKAHKA KAN 11
11
Koapworopworki KAUN-O j TITLE NI MAHSEN EN IPRU: En Depit melkahka.
I kin likih KAUN-O pwe ih me doarepei.
Kumwail meid pweipwei ni amwail kin ndaiong ie,
“Tenge pohn nahna kan rasehng mehnpihr me kin pihrla wasa ko,
pwe aramas suwed kan kadangpesengehr nair kesik ketieu kan oh kainenehier neirail arep kan
pwe re en kasikih aramas mwahu kan sang wasa rotorot kan.
Sohte mehkot aramas mwahu men kak wia
ahnsou me mehkoaros ohlahr.”
 
KAUN-O kin ketiket nan tehnpese sarawi;
mwoahle kin mi nanleng.
E kin mamahsanih aramas akan wasa koaros
oh mwahngih dahme re kin wiewia.
E kin ketin kasawih aramas mwahu oh me suwed kan koaros;
e kin ketin kalahdeki kowahlap me kin keid likin sapwellime kosonned akan.
 
E kin ketin kamwerehdi kisiniei oh suwepel k SUWEPEL: Tehk nan kawehwehpen lepin mahsen kan. okohk pohn aramas suwed kan;
e kin ketin kalokehkin irail kisinieng mpwumpwul.
KAUN-O me pwung oh kin kupwurki wiewia mwahu kan;
me kin peikiong pahn kin momour mwohn silangi.

j^ TITLE NI MAHSEN EN IPRU: En Depit melkahka.

k11:6: SUWEPEL: Tehk nan kawehwehpen lepin mahsen kan.