Kisinlikou ong Mehn
IPRU
Oaralap en Kisinlikou wet
Kisinlikou ong mehn Ipru ntingdier ong pwihnen souleng kei me milahr nan apwal laud pwehki ar souleng, oh kereniongehr kesehla ar pwoson en souleng. Sounntingo eri nantihong en koangngoangeirailda nan arail pwoson ni eh padahkihong irail me Sises Krais, iei imwilahn kasalepen Koht mehlel ong aramas. Ni eh wia met, e kadehde kehlailki ire siluh: (1) Sises, iei ih Sapwellimen Iehros soutuk, me padahngkiher peik mehlel ong Seme pwehki lokolok me e ketin alehdier. Nin duwen eh Sapwellimen Koht Iehros, Sises ketin lapalapasang soukohp en Kadehde Mering ko, tohnleng ko, oh pil Moses. (2) Koht ketin kawehwehda duwen Sises eh samworo soutuk, lapalapasang samworo en kawa ko. (3) Pwehki Sises, souleng men me pwoson Sises kin maiauda sang nan dihp, nan masak, oh nan mehla; oh nin duwen Samworo Lapalap, Sises kin ketikihong aramas komour mehlel; pwehki tiahk sarawi kan oh meirong en mahn akan nan palien lamalam en mehn Suhs akan sohte kak komourala aramas, soahng pwukat, iei duwehte mwetehn doadoahk en Krais me pahn pwarada mwuhr.
Sounntingo ahpw koangngoangehki irail kan me pahn wadek kisinlikou kiset re en dadaur nan ar loalopwoat oh pwoson, ni eh katamandohng irail en ekei aramas ndand en poadopoad en Israel ar pwoson (ire laud 11); oh nan ire laud 12 e koangngoangehkin irail en dadaur loalopwoat lel ni imwi, tetehk mwahu duwen Sises, oh kanengamahiong soangen lokolok oh kamakam koaros me pahn lelohng irail. E ahpw kaimwisengkihla kisinlikou kiset mahsen en kaweid oh kapar kei.
Audepe ni Oaralap
Tepin kisinlikou: Krais iei kasalepen Koht mehlel oh unsek 1.1-3
En Krais eh lapalapasang tohnleng kan 1.4—2.18
En Krais eh lapalapasang Moses oh Sosua 3.14.13 En Krais eh kohwa doadoahk en samworo me uhdahn lapalapasang samworo teikan koaros 4.14—7.28
En Krais eh inou me uhdahn lapalapasang inou koaros 8.1—9.22
En Krais eh meirongkihla pein ih lapalapasang meirong koaros 9.23—10.39
Kesempwal en pwoson 11.1—12.29
Kaimwiseklahn peneu kan oh kisinlikou wet 13.1-25
1
Mahsen en Koht sang rehn Sapwellime Iehros
Kawao Koht kin ketin mahseniong samatail mehn mahs ako pak tohto oh ni soangen mwohmw tohto sang rehn soukohp ako; a ni rahn pwukat, e ketin mahseniong kitail sang rehn Sapwellime Iehros. Iehros menet, iei ih me Koht ketin wiahkihda nanleng oh sampah pokon. Iehros menet, iei ih me Koht ketin pilada pwe en sapwellimanikihla mehkoaros ni imwin kawa. Kupw. 7.22. Lingan en Koht kin dakedaker; e duwehte Koht oh ih me ketin kamwakamwakidki nanleng oh sampah pokon sapwellime mahsen manaman. Mwurin eh ketin kamwakelehda aramas akan sang nan diparail kan, e ahpw ketidiong ni palimaun en Koht nanleng, Wasa Lapalahpie. Kupw. 7.25-26; 8.1.
Sapwellimen Koht Iehros me Lapalapasang Tohnleng kan
Mwoalen Sapwellimen Koht Iehroso me inenen lapalapasang deun tohnleng kan, duwehte lengileng lapalap me Koht ketikihong me lapalapasang lengileng en tohnleng kan. Pwe Koht sohte mwahn ketin mahsanihong emen sapwellime tohnleng ko,
“Iei nei pwutak kowe,
rahnwet I wialahr Semomw.”
 
Koht pil sohte mahsanih duwen tohnleng men,
“I pahn wiahla Seme,
oh e pahn wiahla nei pwutak.” Mel. 2.7; b 2 Sam. 7.14; 1 Kron. 17.13.
 
Ni Koht eh pahn poaronedohng nin sampah Sapwellime Iehros, e pil mahsanih,
“Sapwellimen Koht tohnleng kan koaros uhdahn pahn pwongih.” Deud. 32.43 (LXX). Eri, iet me Koht ketin mahsanih duwen tohnleng kan,
“Koht ketin kupwurehda sapwellime tohnleng kan en rasehngala kisinieng,
oh sapwellime papah kan en rasehngala mpwulen kisiniei.” Mel. 104.4 (LXX).
 
A duwen Sapwellime Iehros, Koht ketin mahsanih,
“Mwoalomwi, Maing Koht, pahn mihmihte kohkohlahte!
Omwi pwuhng kin kakaun omwi wehi. Mel. 45.6-7.
Komw kin kupwurki dahme pwung, oh kin kalahdeki dahme sapwung.
Ihme Koht, omwi Koht, ketin pilkinkomwihda,
oh ketikihong komwi peren en wahu ehu me
laudsang mehlel me e ketikihong omwi werek kan.”
 
10 E pil mahsanih,
Komwi me kaun me wiahda sampah nin tapio,
oh nin limomwi kan ketin kapikada audepen nanleng kan. Mel. 102.25-27 (LXX).
11 Mepwukat koaruhsie pahn sohrala, ahpw komw pahn duweduwehte kohkohlahte;
re pahn meringla duwehte likou kan.
12 Komw pahn welikirailpene duwehte likou puhp ehu,
oh pahn weliali duwehte likou.
Ahpw komwi pahn duweduwehte kohkohlahte,
oh omwi ieias sohte mwahn pahn imwisekla.
 
13 Koht sohte mwahn mahsanihong emen tohnleng ko,
“Mwohndiong ni palimauni,
I lao wiahkihla omwi imwintihti kan
utupen aluweluwomwi kan.” Mel. 110.1.
14 Eri, dahkei tohnleng kan? Irail koaros iei ngehn kei me kin papah Koht, oh me Koht kin ketin kadarodo pwehn sewese irail kan me pahn ale komour. Dop. 12.14-15.

1:2: Kupw. 7.22.

1:3: Kupw. 7.25-26; 8.1.

1:5: Mel. 2.7; b 2 Sam. 7.14; 1 Kron. 17.13.

1:6: Deud. 32.43 (LXX).

1:7: Mel. 104.4 (LXX).

1:8: Mel. 45.6-7.

1:10: Mel. 102.25-27 (LXX).

1:13: Mel. 110.1.

1:14: Dop. 12.14-15.