Pohnpeian Bible MELKAHKA KAN 127
127
Kapingpen Kalahngan en Koht n TITLE NI MAHSEN EN IPRU: En Solomon.
Ma KAUN-O sohte ketin kauwada ihmwo,
doadoahk en sounkou ihmw kan sohte pahn katepe;
ma KAUN-O sohte kin ketin sinsile kahnimwo,
silepe kan en kahnimw pahn sinsile mwahl.
Sohte katepen omw pahn tihtihwohki raparapahki omw mour,
sangkenei pwopwourda nin sohrahn, oh pwand en meirla nipwong.
Pwe KAUN-O kin ketikihda kisin tungoal ong me e kin poakohng kan,
nindokon arail kin wie memeir.
 
Seri kan, iei kisakis ehu sang rehn KAUN-O;
uhdahn kapai ehu sang reh.
Pwutak kan me ohl emen nainekidahr ni eh pwulopwul,
rasehng arep kei nan pehn sounpei men.
Meid pai aramaso me naineki tehtehn mahwen tohto pwukat!
E sohte pahn lohdi
ni eh pahn tuhwong eh imwintihti kan nan wasahn kopwung.

n^ TITLE NI MAHSEN EN IPRU: En Solomon.