Pohnpeian Bible MELKAHKA KAN 110
110
KAUN-O oh Sapwellime Nanmwarki me Pilipildahr j TITLE NI MAHSEN EN IPRU: En Depit melkahka.
KAUN-O ketin mahsanihong ei kaun, nanmwarkio,
“Komw ketidiong ni palimauniet
I lao wiahkihda omwi imwintihti kan utupen aluweluwomwi kan.” Mad. 22.44; Mark 12.36; Luk 20.42-43; Wie. 2.34-35; 1 Kor. 15.25; Ep. 1.20-22; Kol. 3.1; Ipru 1.13; 8.1; 10.12-13.
KAUN-O pahn ketin katelapahla sapwellimomwi manaman en kaunda wehi pokon sang Saion.
E mahsanih, “Komwi en kaunda sapwellimomwi imwintihti kan.”
Rahnen omwi mahweniong omwi imwintihti kan,
sapwellimomwi aramas akan pil pahn iang mahweno.
Sapwellimomwi mwahnakapw akan pahn patohdo rehmwi nin nahna sarawi kan,
rasehng pwoaiken nimensehngie.
 
KAUN-O ketin inoukidahr kehlail, oh sohte pahn ketin koluhkihla:
“Komwi pahn wiahla samworo sang met kohkohlahte
nin duwen koasoandien samworo Melkisedek.” Ipru 5.6; 6.20; 7.17,21.
 
Kaun-o kin ketiket ni palimaunomwien;
e pahn ketin kalowehdi nanmwarki kan ni rahn me e pahn engiengda.
E pahn ketin kadeikada wehi kan
oh ketin kadirehkihla wasahn mahwen kahlep en aramas akan;
e pahn ketin kalowehdi nanmwarki kan en sampah pwon.
Nanmwarkio pahn ketin nimpil sang piletik en ni keilenial,
oh ketin rosonkihda, e ahpw pahn ketin uh ni roson en powehdi.

j^ TITLE NI MAHSEN EN IPRU: En Depit melkahka.

110:1: Mad. 22.44; Mark 12.36; Luk 20.42-43; Wie. 2.34-35; 1 Kor. 15.25; Ep. 1.20-22; Kol. 3.1; Ipru 1.13; 8.1; 10.12-13.

110:4: Ipru 5.6; 6.20; 7.17,21.