72
Kapakapki Nanmwarki z TITLE NI MAHSEN EN IPRU: En Solomon.
Maing Koht, komw ketin padahkih nanmwarkio pwe en wia kopwung nin duwen sapwellimomwi pwung;
komw ketikihong sapwellimomwi pwung,
pwe en kin kaunkihda sapwellimomwi aramas akan pwungen kosonned
oh me toutoulahr akan pwung pahrek.
Paiamwahu oh popohl en keirda nan wehiet;
oh pwungen kosonned en lelpeseng rehn tohn wehiet koaros.
Nanmwarkio en kin ketin kapwung me semwehmwe kan ni pwung pahrek;
en ketin sewese me paisuwedlahr akan
oh ketin kalowehdi me kin kaloke irail kan.
Sapwellimomwi aramas akan en kin kaudokiong komwi erein ketipin eh kin dakedaker wasa,
erein maram eh kin kamakamarainih wasa kohkohlahte.
 
Nanmwarkio en rasehng keteu me kin mwerediong pohn pwehl,
rasehng pilen keteu me kin pwupwudiong nansapw.
Pwungen kosonned en kin pweidamwahu nan sapwellime mwehi,
oh paiamwahu oh popohl en kin poatopoat erein maram eh kin kamakamarainih wasa.
 
Irepen sapwellime wehi pahn sang ni ehu madau lellahng ni ehu,
sang Iupreitis lellahng ni irepen sampah. Sek. 9.10; Sir. 44.21.
Tohn nan sapwtehn kan pahn kin poaridi mwowe;
sapwellime imwintihti kan pahn kin poaridiong nanpwel.
10 Nanmwarki kan en Spein oh en deke kan pahn kin kisikise;
nanmwarkien Sipa oh Sepa a SIPA OH SEPA: Wehwehki Arepia oh Idiopia. pahn kin ketikidohng mehn meirong kan.
11 Nanmwarki koaros pahn kin ketin poaridihsang;
wehi koaros pahn kin papah.
 
12 E kin ketin kapitala me semwehmwe kan me kin likweriong,
oh pil irail kan me paisuwedlahr oh me lekdekla kan.
13 E kin ketin kupwurkalahngan ong me luwet oh semwehmwe kan;
e kin doarehla mouren me paisuwed kan.
14 E kin ketin kapitirailla sang nan arail kehnaudek oh angkehlail kan;
e kin ketin kesempwalki ar mour.
 
15 Nanmwarkio en rosorosonte!
En kin ketiki kohl sang Arepia;
aramas en kin kapakapki ahnsou koaros;
kupwuramwahu en Koht en kin ieiang met oh pil kohkohlahte!
16 Reken wahn pilawa en kin wiewiawihte nan wehiet;
wahnsahpw en kin kipehdi dohl akan,
rek oh wohkian duwehte wahnsahpw en Lepanon.
Kahnimw kan en direkihla aramas ngeder,
rasehng dihpw kan me kin keirda nansapw.
17 Mware en kin poatopoat kohkohlahte;
oh en ndand erein ketipin eh kin dakedaker wasa.
Wehi koaros en kin peki rehn Koht en ketin kupwuramwahwih irail
duwen eh ketin kupwuramwahwiher nanmwarkio.
 
18 Kitail kapinga KAUN-O, Koht en Israel!
Pwe ihete me kin ketin wiahda soahng kapwuriamwei pwukat.
19 Kitail kapinga lingan en mware kohkohlahte!
Sapwellime lingaling en kadirehla sampah pwon.
 
Amen! Amen!
 
20 Met iei imwilahn kapakap akan en Depit, nein Sehsi.

z^ TITLE NI MAHSEN EN IPRU: En Solomon.

72:8: Sek. 9.10; Sir. 44.21.

a72:10: SIPA OH SEPA: Wehwehki Arepia oh Idiopia.