Pohnpeian Bible SENESIS 5
5
Kadaudok en Adam kan
(1 Kronikel 1.1-4)
Ih met kadaudok en Adam kan. (Ni rahn me Koht ketin wiahda aramas akan, e ketin wiairailda rasehng ih. Sen. 1.27-28. E ketin wiahda ohl oh lih, kupwuramwahwihirahla oh ketin kahdanekinirahla “Aramas.”) Mad. 19.4; Mark 10.6. Ni Adam eh sounpar 130, e nainekihda pwutak emen duwehte ih, oh e kihong ede Sehd. Mwurin met Adam pil momourki sounpar 800 oh pil nainekihda seri kei, e ahpw sipalla ni eh sounpar 930.
Ni Sehd eh sounpar 105, e nainekihda pwutak emen, ede Enos, oh mwuri e momourki sounpar 807. E nainekihda pil seri kei, e ahpw sipalla ni eh sounpar 912.
Ni Enos eh sounpar 90, e nainekihda pwutak emen, ede Kenan, 10 oh mwuri e pil momourki sounpar 815. E pil nainekihda seri kei, 11 e ahpw sipalla ni eh sounpar 905.
12 Ni Kenan eh sounpar 70, e nainekihda pwutak emen, ede Maalalel, 13 oh mwuri e pil momourki sounpar 840. E nainekihda pil seri kei, 14 e ahpw sipalla ni eh sounpar 910.
15 Ni Maalalel eh sounpar 65, e nainekihda pwutak emen, ede Sared, 16 oh mwuri e pil momourki sounpar 830. E pil nainekihda seri kei, 17 e ahpw sipalla ni eh sounpar 895.
18 Ni Sared eh sounpar 162, e nainekihda pwutak emen, ede Enok, 19 oh mwuri e pil momourki sounpar 800. E pil nainekihda seri kei, 20 e ahpw sipalla ni eh sounpar 962.
21 Ni Enok eh sounpar 65, e nainekihda pwutak emen, ede Medusala, 22 mwurin met, Enok momourki sounpar 300 mwohn silangin Koht oh pil nainekihda seri kei. 23 Enok eri momourki sounpar 365. 24 E momour mwohn silangin Koht erein eh mour, e ahpw sohrala pwehki Koht eh ketin ketikihsang sampah. Sir. 44.16; 49.14; Ipru 11.5; Sud 14.
25 Ni Medusala eh sounpar 187, e nainekihda pwutak emen, ede Lamek, 26 oh mwuri e pil momourki sounpar 782. E pil nainekihda seri kei, 27 e ahpw sipalla ni eh sounpar 969.
28 Ni Lamek eh sounpar 182, e nainekihda pwutak emen; 29 e ahpw mahsanih, “Sang nan pwehl me KAUN-O ketin kerialahr, seri menet pahn kamaiawihkitailda sang atail apwal akan”; ih eri kihong ede Noha.i NOHA: Sisen ahd wet ni mahsen en Ipru kereniong duwehte lepin mahsen me wehwehki “kamaiauda.” 30 Lamek eri pil momourki sounpar 595. E pil nainekihda seri kei, 31 e ahpw sipalla ni eh sounpar 777.
32 Mwurin Noha eh lel sounpar 500, e nainekihda pwutak silimen, Sehm, Ahm, oh Saped.

5:1: Sen. 1.27-28.

5:2: Mad. 19.4; Mark 10.6.

5:24: Sir. 44.16; 49.14; Ipru 11.5; Sud 14.

i5:29: NOHA: Sisen ahd wet ni mahsen en Ipru kereniong duwehte lepin mahsen me wehwehki “kamaiauda.”