Kadede Kap Pjam Akan Pjalm 143
143
MAIN Ieowa, kom kotin ereki ai kapakap, o karon ar en mani ai nidinid; mani ia ni ar melel o ar pun.
Kom der kotin kadeikada japwilim omui ladu, pwe mo ’mui jota me maur men me pun.
Pwe imwintiti kin majamajan ia, o kin tiakedi maur i; a kin kaje ia di waja rotorot dueta ir me melar maj o.
Nen i kin luetala, o monion i ponla.
I kin tamanda anjau maj akan, o madamadaua duen ar wiawia kan; i kin lamelame duen dodok en lim omui kan.
I kin kapa won komui pa i kat, duen jap madekon eu, me kin inon ion katau, iduen nen i kin inon ion ir. Jela.
Main Ieowa, kom kotin mani ia madan, nen i kin dupokala. Kom der kotin karirala jilan omui jan mo i, pwe i ender dueta ir, me pan lokidokila.
Nin joran omui kalanan en pwara don ia, pwe i kin liki komui; kom kotin kajale on ia al, me i en weid ia, pwe nen i kin auiaui komui.
Main Ieowa, kom kotin dore ia la jan ai imwintiti kan, i kin kaporoporeki komui.
10 Padaki on ia, pwe i en dodok duen kupur omui; pwe komui ai Kot; nen omui mau en kotin kalua ia pon al pun;
11 Main Ieowa, kom kotin kamau ia da pweki mar omui; kalua ia jan nan waja apwal ni omui pun.
12 O kotin kawela ai imwintiti kan, pweki omui kalanan; o kotin kamela karoj me kin katoutoui nen i, pwe nai japwilim omui ladu.