104
1 NEN i kapina Ieowa! Ieowa ai Kot, komui meid lapalap, komui me kapwateki linan o manaman.
2 Japwilim ar likau iei marain, me komui kot lole; kom kotin pak pajan nanlan dueta likau eu.
3 Kom kin kotin wia kida pil pali poa en ponepon, a tapok kan wiala tan war omui, me kom kin kotikot jili ki pa en an.
4 Kom me kotin wia kila japwilim omui tounlan kan kijinian o japwilim ar ladu kan umpul en kijiniai.
5 A kotin kajonedier jappa pon a pajon, a jota pan mokid kokolata.
6 Kom kotin kadupale kidi i dueta likau eu, pil akan ileilada jan nana kan.
7 Re tan wei mon ar majan, re madan wei mon nil en omui nanjapwe.
8 Nana kan kokodar, a wau kan kokodier on waja, me kom kotin kileledier on ir.
9 Kom kotiki on ir irair eu, me re jota pan dauli wei; re jolar pan pur on kadupaledi jappa.
10 Kom kin kotin wiada, parer en kujukujda nan wau kan; re kin pwilipwil wei nan pun en nana kan.
11 Re kotin kanim pileda man en nan jap akan o man en nan wel.
12 Manpir en pan lan kin kaukaujon ni kail a, re kin kakaul nin tuka kan.
13 Komui me kin kotin kanim pileda nana kan jan japwilim omui pera poa. Kom kin kotin kadire kila wa kan jappa, me kom kotin wiadar.
14 Komui me kotin kawojadan man akan rä, o wan tuka me mau on aramaj, pwen kapwareda jan nan pwel mana on aramaj akan.
15 O wain en kaperenda monion en aramaj, o le en kalinanada maj en aramaj, o prot en kakelada war en aramaj.
16 Japwilim en Ieowa tuka kan pan medila, jeder en Lipanon akan, me a kotin padukedier.
17 Waja manpir kin paj kin ia, o raier kaujon nan jeder.
18 Nana ileile iei deun kemje, a paip akan deun repit en wel.
19 A kotin wiadar jaunipon, pwen kilelekidi anjau kan, katipin aja waja me a pan kirila ia.
20 Kom kin kotin wiada pon, man en nan wel rap mokidada.
21 Laien pulepul weriwerki kan arail mana, re kin idok ren Kot, me re pan kan.
22 Katipin lao dakada, re kin purela wonon nan por ar akan.
23 Aramaj ap kolan ar dodok, wia japajap lel nin jautik.
24 Main Ieowa, ar wiawia kan me dodok melel! Kom kotin kajone irail di ki omui erpit o jappa me direki japwilim omui dipijou kan.
25 Madau me kalaimun o dälap ni pali karoj; i waja me dir en mam, me jota kak wadawad, man tikitik o kalaimun.
26 I waja me jop akan kin tanatan ia, o walroj, me komui kotin wiadar, kin madomadon lole.
27 Ir karoj kin auiaui komui, pwe komui en kotin katunole kin ir kan arail ni ar anjau.
28 Kom kin kotiki on ir, rap nanak pena; komui kotiki pajan lim omui, rap pan medi kila me mau kan.
29 Ni omui pan karirila jilan omui, rap pan majapwekada, kom kin kotiki jan ir anian arail, rap pan mela o purelan ar pwel par.
30 Kom kin kotin kadarala an omui, rap pan wiauiada, o komui kin kawilikapada maj en jap o.
31 Linan en Ieowa pan duedueta. Ieowa pan kotin peren kida japwilim a wiawia kan.
32 A lao kotin ireron toun jappa, jappa ap rerer; a lao kotin jair nana kan, rap adida.
33 Arain ai maur i pan kakauli on Ieowa, o arain ai mi jappa et, i pan kauleki pjalm kan on ai Kot.
34 I men, ai kajokajoi en kaparenda kupur a; i pan polauleki Ieowa.
35 Me dipan akan en niki jan jappa, o me doo jan Kot akan en jola mia. Nen i kalinada Ieowa! Aleluia!