1 KOMAIL pereperen kauli on Kot, me kel patail; nijinij on Kot en Iakop!

2 Tapia kida kaul en kapin, o wiada tampurin, o laute kajelel ianaki arp!

3 Ni jaunipon kap komail peuk koronete, ni maram, ni ran en im tantuka!

4 Pwe iduen tiak en Ijrael o kujoned en Kot en Iakop eu.

5 A kotin wiadar kujoned wet on Iojep, ni a lipa jan Äkipten. I roner majan pot, me i jaikenta aja:

6 I kijaner katoutou kan pon apar a, o pa a jaladokalar jan kopu kan.

7 Ni om likwirki don ia om apwal. I ap jauaja uk; I kajaledok uk alar, ni anjau me koe lel on nanjapwe, o I jojon uk ni pil en akamai. Jela.

8 Komail nai aramaj akan ron ia, I pan padaki on komail! O Ijrael, ma koe pan peiki on ia!

9 Jota amen Kot en mi re om, o koe der kaudoki on kot en men wai amen.

10  Nai Ieowa om Kot, me kalua uk jan nan Äkipten. Ki pajan au om, i pan kadirela.

11 A nai aramaj akan jota kin peiki on nil ai, o Ijrael jota duki on ia.

12 I ari mueid on irail er injen arail ni ar aklapalap, pwe ren kekeid wei ni pein arail lamelam.

13 O ma nai aramaj akan pan peiki on ia, o Ijrael pan weweid nan al ai kan,

14 I ap pan kaloedi ar imwintiti kan madan, o pa i pan u on me pali on irail akan,

15 O irail me kailonki Ieowa, jota pan kak on irail; o anjaun arail pakadeik pan duedeuta kokolata;

16 O I pan kamana kin irail korn kajelelia, o I pan katunole kin i onik jan nan paip o.