73
MELEL, Kot kompoke pan men Ijrael, irail me makelekel nan monion arail.
A nai, ekij ta, a nä i kat pan lodi, o i koren ion krijedi ni ai kakakawei.
Pwe i juedeki me aklapalap akan, ni ai kilaner en me japun kan ar pwaidar.
Pwe jota apwal kot lel on irail ni ar pan mela, re kin kelail o war arail wilar melel.
Jota ar apwal kot dueta aramaj tei kan, o re jota pan kalokolok dueta aramaj tei kan.
Ari aklapalap, iei kapwat en tapin wor arail, o arail likau, iei arail tiak weit.
Por en maj arail tikitik o jued kilar ar wilar, o re kin wiada, me re inon ion.
Re kin mamaleki meakaroj, o re kin lokelokaia me jued, o re kin lalaue o lokaia ni ar aklapalap.
Dene arail lokaia tapi jan nanlan, o me irail indinda, dene i eta me pun nin jappa.
10 I me aramaj akan lokidi on irail; o pil totoia re kin nimala.
11 Re kin inda: Iaduen, Kot pan kotin injenoki irail? O menda ren me lapalap irail?
12 Kilan, iduen me doo jan Kot akan; irail meid pai nin jappa, o re pan kapwapwala.
13 Iaduen, likamata jota katepa ai kamakelekeladar monion i o kaminela pa i kat ni me pun?
14 Pwe ran karoj i pan kalokolok, o ni manjan karoj ai kamekam mia.
15 Koren ion i pil pan indinda dueta irail, a jo, pwe i de pan juedeki japwilim omui jeri kan karoj jan maj kokodo lel met.
16 I ap madamadaua duen mepukat, pwen dedeki, a i jota kak on.
17  Nai lao pedelon on mon mol en Kot jaraui o kilaner imwin me doo jan Kot akan.
18 Melel kom kotin pwili kin irail edi waja likakerij; kom kotin kapup irail edi on nani pwel.
19 Iaduen arail madan joredier. Irail lokidokila, o imwila ’rail meid kamajapwek.
20 Main Ieowa, kom kin kotin kawela mom arail nan kanim o dueta auramen.
21 Ni ai madak nan monion i, o waiwairok nan ai mudilik kan,
22 I ap diaradar, me nai ol pweipwei men, me jota aja meakot; dueta man amen mo omui.
23 Ari jo, i pan mimieta re omui kokolata, pwe komui kotin kolekol eta pa i pali maun.
24 Komui kin kalua ia duen kupur omui, o kom pan kotin kajamo ia nan linan omui.
25 Ma komui ta ai Kot, i jota pan anane meakot nanlan de jappa.
26 Ma pali war ai o nen i pan dupokala, pil menda, pwe komui Main Kot kamait pa i o pwaij ai kokolata.
27 Pwe kom kotin mani irail, me muei jan komui pan lokidokila; Kom pan kotin kajapokela karoj, me wuki wei jan komui.
28 A iet ai peren, i en teneten on Kot, o i en kaporoporeki Kot Ieowa, pwen kalok jili omui wiawia kan karoj.