Kadede Kap Pjam Akan Pjalm 64
64
MAIN Kot, kotin ereki nil ai ni ai injenjued. Kom kotin jinjila maur i mon ai imwintiti weit.
Kom kotin karuki ia la jan mon pokon en me jued akan, mon pwin en me wia japun kan.
Me kin ada lo ’rail dueta kodlaj pot, o me kaonopada ar kajik katieu, iei ar lokaia jued,
Pwen rir kajikiedi me lelapok o; madan re pan kajikiedi i, o jota injenoki.
Irail me weit ni ar tiak jued, o re kin inda, duen ar pan injar, o re kin inda: Ij me pan kak kilan?
Irail kin madamadaua duen me jued. Kitail kapwaiadar, karoj kileledier. Monion en aramaj me widin o meid koiok ni morjued.
A Kot pan kotin kajik ir edi madan, pwen kamadak on ir.
Pein lo arail pan kapup ir edi, o karoj, me pan kilan, pan kaurureki.
O aramaj karoj pan majak o inda: Mepukat Kot kotin wiadar. O re pan aja, me i japwilim a dodok.
10 Me pun o pan perenki Ieowa, o pan liki i, o me lelapok kan karoj pan pereperen.