Kadede Kap Pjam Akan Pjalm 57
57
MAIN Kot, kom kotin maki on ia, maki on ia! Pwe nen i kin kaporoporeki komui, o pan mot en lim omui i wajan ai maur, lao anjau apwal daulier.
I likwir on Kot, me lapalapia, on Kot, me kotin kaimwijokala ai kankaneraner.
A kotin poronedo jan nanlan jauaj pa i on me kanamenok ia, o me kin nirinir on ia. Jela. Kot pan kotin kadarado a kalanan o melel.
Nen i mi nan pun en laien akan, aramaj rajon umpul en kijiniai; ni arail rajon katieu o kananan kajik katieu, o lo arail rajon kodlaj kon o.
Main Kot, kom kotida ileila jan lan, o wau omui nan jappa karoj.
Irail injarai ia nan al ai kan; re kin katoutoui nen i; re weirada mo i por eu, ap pein pupedi on lole. Jela.
Monion i injenemaular, Main Kot, nen i onoper on kaul o kapin.
Nen i pirida! Kaul o arp pirida! I pan pirida nin joran.
Ieowa, i men danke on komui nan wei kan; i pan kauli on komui nan pun en aramaj akan.
10 Pwe omui kalanan me laud dueta nanlan, o omui melel dueta tapok kan.
11 Main Kot, kom kotida ileila jan lan, o wau omui linan nan jappa karoj.