Kadede Kap Pjam Akan Pjalm 52
52
KOE ol weit, da me koe juaikeki me jued, pwe kalanan en Ieowa kin duedueta ni ran karoj.
Lo om inon ion me jued, o kin rajon naip kon pot, ni a wia likam.
Koe kin mauki lokaia jued jan me mau, o lokaia likam jan me pun. Jela.
Koe kin men lokaiaki me jued lo om likam.
I me Kot pil pan kawe uk ala, o lepuk uk pajan, o waik uk jan nan im om, o koko uk jan nan jap en me maur akan. Jela.
A me pun kan pan kilan o majapwekada, o re pan kaurureki i:
Kilan, iei ol o, me jota kaporoporeki Ieowa, pwe a keleki a dipijou toto o a kelail on a wiada me jued.
A nai dueta tuka oliwe pot nan tanpaj en Kot, i kaporoporeki kalanan en Kot kokolata.
I pan kapina komui kokolata, pwe kom kak kotin wiada; i pan kapina mar omui, pwe a linan ren japwilim omui lelapok kan.