32
1 MEID pai, me dip arail lapwadar, o me ar japun pwaipwaidier!
2 Aramaj meid pai, me Ieowa jolar pan kapokoki on dip ar, me jota likam nan monion ar.
3 Pwe ni ai men okila, kokon ai kan ap jujueda kilar ai janejan ran karoj.
4 Pwe lim omui katoutou ia nin ran o ni pon, o ai kelail monedier, dueta ni anjau en karakar. Jela.
5 I me i weokadan komui dip ai kan, o jota okila ai japun kan. Nai indinda: I pan weokadan Ieowa ai katiwo kan; komui ap kotin maki on ia jued en dip ai. Jela.
6 I me jaraui kan karoj pan potoan kapakap on komui arain anjau me komui kak diarokada. Lapake kalaimun pan wiaui, a a jota pan lel on ir.
7 Komui me pere pa i, kom pan kotin perawei jan ia men kamajak, i ap pan dorela o kapina ni peren. Jela.
8 I pan padaki on uk o kajale on uk al o, me koe en weweid ia; I pan kalua kin uk por en maj ai.
9 Komail der dueta oj de aj amen me jota ar madamadaua, me mau on, kijin mata en ko on au arail, a ma jo, re jota pan duki on uk.
10 Me japun o kin lodi on jon en madak toto, a me kaporoporeki Ieowa, kalanan en Ieowa pan kapil pena i.
11 Polauleki Ieowa, o pereperen komail me pun kan, o kapikapina komail karoj me lelapok melel akan.