Kadede Kap Pjam Akan Pjalm 20
20
IEOWA en kotin mani om kapakap ni ran apwal o; mar en Kot en Iakop en pera uk!
A en kotin porone don uk jauaj pam jan nan tanpaj jaraui o kamana uk ada jan nan Jion.
A en kotin kupura om mairon karoj, o om mairon ijij en konkon re a. Jela.
A en kotiki on uk, me monion om anane, o kotin kapaiada om inon karoj.
Je pan nijinijki omui jauaja kit, o ni mar en atail Kot kit pan kida at plak. Ieowa en kotin kapwaiada om poekipoek karoj!
I ap ajaer, me Ieowa kin kotin dorela japwilim a me keiedier, o a pan mani i jan nan japwilim a lan jaraui, lim a pali maun kin jauaja kaualap.
Mo kan kin kaporoporeki war o oj akan; a kit kin keleki mar en Ieowa atail Kot.
Irail lodier o pupedier, a kit uda o kajinenda.
Main kom kotin jauaja nanmarki o, o kotin mani at likwir on komui!