Kadede Kap Pjam Akan Pjalm 6
6
MAIN, kom der kotin kaloke kin ia omui onion, o der kame kin ia omui onion lapala!
Main, kom kotin maki on ia, pwe nai me luet. Main, kom kotin kamau ia la, Main Ieowa, pwe ti kan me luetalar.
O nen i waponda melel. O Main, arai da?
Main, kom kotin jaupei don ia, dorela nen i. Kom kotin jauaja ia ni omui kalanan!
Pwe murin melar jolar me pan tamanda komui; o ij me pan kapina komui wajan mela?
I pana kida ai janejan jan jautik lel manjan; i kawijokijokela ai loj pil en maj ai.
Mom ai juede kilar ai injenjued, o i malar, pweki kamakamajak pai me toto.
Komail aramaj morjued akan karoj kaiwei jan ia, pwe Ieowa kotin mani ai janejan.
Ieowa kotin mani ai nidinid, o Ieowa kotin manier ai kapakap.
10 Ai imwintiti karoj pan namenokela o majakada melel, re pan tanwei o madan jarodi.