7
DER kadeikada, pwe komail der pakadeikada. Pwe duen kadeik, me komail kadeikekida aramaj, iduen komail pan pakadeikada, o duen men jon, me komail kin jonki, iduen a pil pan jon on komail, A menda koe kilikilan diper ni maj en ri om ol, a jota kan ataut o ni maj om? De iaduen koe pan indan ri om ol: Aui maj, i pan ki jan diper ni maj om. A kilan, ataut apot mi ni pein maj om? Malaun amen koe, ki jan maj ataut ni maj om, koe ap pan kak kilan, duen om pan kak ki jan diper ni maj en ri om ol, Komail der ki on kidi me jaraui kot! O omail pai kan der kajedi on mon pwik kan, pwe ren de tiak pajan, ap jaupeido nalij komail pajan. Poeki, a komail pan tunole; rapaki, a komail pan diarada; letelet, a a pan ritida mo omail. Pwe karoj, me poekipoeki, kin tunole; o me kin raparapaki, kin diarada; o me kin letelet, nan a pan ritida mo a. De ij aramaj nan pun omail, ma na putak pan poeki kijin prot, pan ki on i takai eu? 10 De ma a poeki mam amen, pan ki on i jerpent amen? 11 Ari, ma komail me jon jued, ap aja, ki on noumail jeri kan kijakij mau, melel kaualap Jam omail, me kotikot nanlan, pan kotiki on, me poeki re a me mau kan. 12 Ari meakaroj, me komail men, aramaj en wiai on komail, i me komail en wiai on irail, pwe iei kapun o jaukop akan, 13 Pedelon on nan wanim tätik! Pwe wanim me walek o al me tälap, me kodilan mela, o irail me toto, me kin pedelon on waja o. 14 A wanim me watikitik, o al me tätik, me ko on maur o irail me malaulau, me kin diarada. 15 Komail kalaka jaukop likam akan, me kin pwara don komail ni likau en jip, a lole irail jon en kidi komad. 16 Komail pan aja kin irail ni arail wa. Pwe da, aramaj pan kak dolun jan wain ni karer, de pik jan ni tuka kamadak? 17 Nan iduen tuka mau karoj kin wa mau, a tuka jued kin wa jued. 18 Tuka mau jota kak wa jued, o tuka jued jota kak wa mau. 19 Ari tuka karoj, me jo wa mau pan paledi o lokidokila nuni iai. 20 Ari, komail pan aja kin irail ni arail wa. 21 Kaidin karoj, me kin kajokajoi on ia: Main, Main, pan pedelon on nan wein nanlan, a me kin wiawia kupur en Jam ai, me kotikot nanlan. 22 Me toto pan kajoi on ia ni ran o: Main, Main, kit jo kokopadar ni mar omiu, o ni mar omui kaujaki tewil akan, o ni mar omui wia kidar manaman toto? 23 I ap pan indai on irail: I jota mail aja komail, kowei jan ia, komail me kin wiada me jued. 24 A meumen ronada ai padak pukut ap peiki on, I pan karajai on i ol lolokon amen, me kauada im a pon paip, 25 Katau lao moredi, o lakape pwilipwiledo, o an me iripoki don im o, a jota ronki pajan, pweki a kakauda pon paip. 26 O meamen ronada ai padak pukat, ap jota kapwaiada, nan a pan rajon ol pweipwei men, me kauada im a pon pik en oror. 27 Katau lao moredi o lapake pwilipwilido, o an ma irepoki don im o, a ronki pajan; o a ronk laud melel, 28 Kadekadeo Iejuj lao kaimwijokela majan pukat, pokon o ap puriamuiki kaualap japwilim a padak o. 29 Pwe a kotin kawewe on irail ni manaman, a jota dueta arail jaunkawewe kan.