1 A KAMADIP en prot jomut korendor, me adaneki paja. 2 Jamero lapalap o jaunkawewe kan raparapaki, pwen kamatala i, pwe irail majak aramaj akan. 3 A Jatan tilon on Iudaj me adaneki Ijkariot, me kijan ekriamen ko. 4 I ari koieila ren jamero lapalap o jaumaj akan, kalelapok duen a pan panalan ir i. 5 Irail ari peren kida, wiaki eu en ki on i moni. 6 I ari inauki on irail, o raparapaki, duen a pan panalan ir i jo moromoron. 7 Ran en prot jomut ap leler, anjaun kamela paja. 8 I ari poronela Petruj o Ioanej majani: U kowei, kaonopadan kitail paja, pwe kitail en mana. 9 Irail idok re a: Ia waja, re kotin kupura, jen kaonopada? 10 A kotin majani on irail: Kilan, koma lao pedelon kanim o, aramaj amen pan tu on koma, me wa pakit en pil eu, idauen i nan im o, me a pedelon on lole! 11 Koma ap indan kaun pan im o: Jaunpadak o majanie don komui: Ia pera en kairu, waja I pan mana paja ia ianaki ai tounpadak kan? 12 I ari pan kajale on koma weip poa eu, me audeki men momod, i waja koma pan kaonopada! 13 Ira lao koieila, ap diarada, duen a kotin majani on ira; ira ap kaonopada paja. 14 Auer lao leler, i ap kaipokedi ni tepel o wanporon ekriamen ian i. 15 I ap kotin majani on irail. I anane melel ian komail mana paja wet mon ai pan kalokolok. 16 Pwe I indai on komail, I jolar pan kan jan met kokolata, a lao kapunala nan wein Kot. 17 I ari kotikida dal o laolaoki ap majani: Ale met, nek nan pun omail! 18 Pwe I indai on komail, I jolar pan nim jan kijan wan wain, wein Kot lao pwaidar. 19 A kotin limada prot, laolaoki o pilitiki pena, ap kotiki on irail majani: War ai metet, me panalan komail! Komail en wia me wet, men kataman kin ia. 20 O pil dal en nim murin kajipon majani: Dal wet kadede kap ni mom en nt’ ai, me kapwilepilidi on komail. 21 A kilan, pa en me pan pan ia la, me ian ia ni tepel o. 22 Nan melel, Nain aramaj pan kokola duen a kileledier, a juedi on aramaj o, me a pan pankila! 23 Irail ari pikikidi idok nan pun arail, ij re irail, me pan wiada met? 24 Irail pil akamaiki nan pun arail, duen ij me pan lapalap re irail. 25 A kotin majani on irail: Nanmarki en wei pokon akan kin poe irail edi o me manaman akan kin adaneki monjap kalanan. 26 A komail jota pan dueta, a me lapalap re omail, i en dueta me tikitik, o me kin kaunda, en dueta me kin papa. 27 Pwe ij me lapalap ren me mondi ni tepel de me kin papa? Kaidin i, me mondi ni tepel? A nai dueta ladu pamail. 28 Nan komail me ian ia ni ai jonejon. 29  Nai ari kileledi on komail wei eu, duen Jam ai kileledi on ia er; 30 Pwe komail en mana o nim ni ai tepel nan ai wei o mondi pon men mondi ko, kakaun kainok en Ijrael eijokriau. 31 Kaun ap kotin majani: Jimon, Jimon, kilan, Jatan nonkin komail, pwen koko komail dueta wan prot. 32 A nai me kapakapa kin uk, pwe om pojon de nikila. A koe lao japaledo kakelada ri om ol akan! 33 A a potoan on i: Main, i pan idauen ir lel nan imaten o matala. 34 A kotin majani: Petruj, I indai on uk, nan malek jota pan kakorot ran wet, koe lao kamamki pan jilepak, me koe aja ia. 35 A kotin majani on irail: Ni ai kadar komail wei jo ed en moni, o jo ed en jailok, o jo jut, meakot komail lekekilar? Re ap potoan on: Jota. 36 I ari kotin majani on irail: A met, me a ed en moni mia, en ale o pil ed en jailok, o me jo a, i en netekila a likau, ap id netiada kodlaj pot. 37 Pwe I indai on komail, me intinidier, pil pan pwai on ia: A wadawad on me dipan akan, pwe me intinidier duen nai, pan kaimwijokala. 38 Irail indada: Main, kotin majani, iet kodlaj riapot. A kotin majani on irail. Ari, i eta. 39 I ari kotilan dol Oliwe, duen a kin wia; tounpadak kan idauenla i. 40 I lao lel on waja o, ap kotin majani on irail: Komail kapakap pwe komail de ko on nan jonejon. 41 I ari tororela jan irail doo weita kapir won takai eu, ap kelepuki laolao. 42 Majani: Jam (ai), ma komui mauki, koti ki wei jan ia dal wet, ari jo, kaidin injen ai, pwe kupur omui ta en wiaui. 43 Nan tounlan amen pwarado jan nanlan katinada i. 44 A ni a kotin pador on mela, ap nianian a laolao, lao pudo a likamata nta, me dinedinedi on nan pwel. 45 A kotida jan a laolao o kotin pur on tounpadak kan, ir mamair aki ar mamauk. 46 Majani on irail: Da me komail mamairki? Paurida o kapakap, pwe komail de ko on nan jonejon! 47 A ni a kotin majani mepukat, kilan, pokon o, o me adaneki Iudaj, amen ir ekriamen, tion mo ’rail, kaikai don Iejuj, pwen metik i. 48 A Iejuj kotin majani on i: Iudaj, koe pan pan kila metik eu Nain aramaj? 49 Irail me ian i lao kilaner me pan wiaui, rap indai on i: Main, je jo pan wokieki ir kodlaj? 50 Amen ir pala ladun jamero lapalap amen o jara jan jalon a pali maun. 51 Iejuj ap kotin japen majani: Arier! I ap kotin jair jalon a, kakelada i. 52 Iejuj ap kotin majani on jamero lapalap akan, o kaun pan im en kaudok, o jaumaj akan, me ko don i: Dueta lolap amen, me komail koko don, wa kodlaj o katiu kai? 53 Ni ran karoj nai ian komail nan im en kaudok, a komail jota man jair ia, pwe anjau wet omail anjau o manaman en rotorot. 54 Re ap jaikidi i o kalualon on nan im en jamero lapalap o, a Petruj idauenla doowei jan. 55 Irail ap jaunda kijiniai eu nan waron en kel o mod pena, a Petruj mondi nan pun arail. 56 A lidu men kilan i a momod impan kijiniai o kankakil i indada: 57 Iet et pil ian i. I ari kamam kin i indada: Li, i jaja i. 58 A mur kij amen kilan i indada: Koe pil amen irail. A Petruj indada: O kaidin nai! 59 Kadekadeo murin auer eu amen katitiki indada: Melel i men et ian i, pwe i kijan men Kaliläa. 60 A Petruj indada: O i poneponeki om kajokajoi! A pitipit ni a lokelokaia malek ap kakoroteda. 61 Kaun ap kotin jaupeido majani Petruj. Petruj ap tamanda majan en Kaun, duen a kotin majani on i: Mon malek kakorot, koe pan kamam kin ia pan jilepak. 62 Petruj ari koieila janejan kaualap. 63 A ol oko, me kolekol i, lalaue o woki i. 64 Irail lao perala jilan i, ap idedok re a indada: Kopada, ij i, me pikir uk ada? 65 O jon en lalaue toto, me re ki on i. 66 A lao ran pajan jaumaj akan o jamero lapalap o jaunkawewe kan ap pokon pena o kalua i don nan arail kapun. 67 Indada: Ma koe Krijtuj, ap katiti on kit! A kotin majani on irail: Ma I pan indai on komail, komail jota pan kamelele; 68 A ma I pan idok, komail jota pan japen, o pil jota lapwa ia da. 69 Ari, jan met Nain aramaj pan mondi ni pali maun en rojon en Kot. 70 Ir karoj ap idok: Ari, japwilim en Kot koe? A a kotin majani on irail: Komail me indada, pwe nai i. 71 Irail indada: Ari, menda apot kadede? Pwe pein kitail rona jan nan au a.