1 A JAULUJ dadaurata a linaranaraki tounpadak en Kaun akan, ap pan kame ir ala, o kola ren jamero lapalap o, 2 Poeki re a kijin likau on jinakoke en Damajkuj akan, pwe ma a pan diar meamen, me ianala lamalam, ol de li i en jali irail edi o kalualan Ierujalem. 3 A ni a japajapal kokola koren ion Damajkuj, marain eu kodido jan nanlan, jereda i. 4 Ni a pupedi nani pwel, ap ronada nil eu, me majani on i: Jaul, Jaul, da me koe kame kin ia? 5 A ap inda: Ij komui Main? A kotin majani: Nai Iejuj, me koe kin kame. 6 Paurida, kolan nan kanim en, nan a pan loki on uk, me koe en wiada. 7 A ol oko, me ian i kokola, japaimokid, pwe re ronadar nil o, ap jota amen me re kilanadar. 8 Jauluj paurida jan nan pwel, maj a papad eta, ap jota kilan meamen. A re kolokol pa a, kalualan i Damajkuj. 9 I ari jota kilan waja pon jili pon. A jo kan de nim meakot. 10 A tounpadak amen mi Damajkuj, ad a Ananiaj me Kaun o kotin majani on ni kajanjal eu: Ananiaj! I ari potoan on: Iet nai Main! 11 Kaun o ap kotin majani on i: Paurida kowei on nani al o, me ad a Inen, ap idok nan im en Iudaj amen, me mar a Jauluj en Tarjuj. Pwe kilan, a kapakap 12 A kilaner ol amen ni kajanjal eu, me ad a Ananiaj, me ko don i o pwil poa pa a kan, pwe a en kilanki waja. 13 A Ananiaj potoan on: Main, i ronadar ren aramaj toto duen ol men et, duen a kin kaokaoe japwilim ar jaraui kan, me mi Ierujalem. 14 O a aleer jan ren jamero lapalap akan manaman, en jaliedi karoj, me kin likwir on mar omui. 15 A Kaun o kotin majani on i: U kowei, pwe iei ol o, me I piladar, en wala mar ai ren men liki o nanmarki kan o men Ijrael. 16 Pwe I pan kajanjale on i duen won a pan kamekameki mar ai. 17 Ananiaj ari kola, pedelon on nan im o, pwil poa pa a pokon, indada: Ri (ai) Jaul, Kaun o me kotin porone ia do; iei Iejuj, me kotin pwara don komui nani al o ni omui kokodo, pwe komui en kilanada waja o dire kila Nen jaraui. 18 A madan likamata un en mam akai, me pupedi jan ni maj a, i ari kilanadar waja o udar paptaijelar. 19 I lao manaer, ap kelailadar, ap mimieta ren tounpadak en Damajkuj akan ran akai. 20 A madan padapadak nan jinakoke kan duen Iejuj, me i japwilim en Kot. 21 A karoj, me roneron i, puriamui kila indada: Kaidin i, me kin kaokaoe ir, me kin likwir on mar wet nan Ierujalem o kodo waja et, pwen jali ir edi, kalua ren jamero lapalap akan? 22 A Jauluj me manaman kokoda o kapinada Juj oko, me kaujon Damajkuj ni a kawewedar, me i me Krijtuj. 23 Kadekadeo murin ran toto Juj oko kapun pena en kamela i. 24 A Jauluj roner, me re majamajan i; irail pil majamajan wanim akan ni ran o ni pon, pwen kamela i. 25 A tounpadak kan ale i ni pon apiekidi kopou eu jan pon kel o. 26 A Jauluj lao pwara don Ierujalem a jojon waroki on tounpadak kan, irail karoj majak i, pwe irail jota kamelele, me i tounpadak amen. 27 A Parnapaj ale i o kare don i ren wanporon akan, o katiti on irail, duen a kilanadar Kaun o nani al o, o me a kotin majani on i, o duen a jo majak padapadaki ni mar en Iejuj nan Damajkuj. 28 I ari ian irail er kotin pedepedoi jan o pedepedelon on nan Ierujalem o padaki aima ni mar en Kaun o. 29 I o men Krik kai majan o akamai pena, a re jon kamela i. 30 Jaulan kan lao ajaer, ap ian i kolan Jäjarea, ap kadaralan i Tarij. 31 A momodijou kan ap popol o pwaidar nan Iudäa, o Kaliläa, o Jamaria, o re weweid ni majak en Kaun o, o toto kilar popol en Nen jaraui. 32 A Petruj lao kakan jili nan jap akan, a pil kotila ren me jaraui kan, me kaukaujon Lida. 33 A diaradar aramaj amen waja o, me ad a Äneaj, me wonon par walu, pwe me kokon danidan. 34 Petruj ari majani on i: Äneaj. Iejuj Krijtuj kakel uk ada. Paurida, pein lim pena ki om! I ari paurida madan. 35 A karoj me kaukaujon Lida o Jaron, kilanada i, re ap wuki on Kaun o. 36 A tounpadak li amen mi Ioppe, me ad a Tapea (iet wewe: Torkaj), i me dir en wiawia mau kan o kijakij wei. 37 A kadekadeo ni ran oko a jomaudar o melar. Irail lao duper i, ap nekidala nan pera poa. 38 A Lida me koren ion Iope. Tounpadak kan lao roner, me Petruj kotikot waja o, rap kadarala ol riamen re a, poekipoeki: Kom der peikajal, koti don kit! 39 Petruj ari kotida ian ir ala. I lao pwarado, re ap ukadala i pera poa, o li odi karoj u impa, janejan o kapwareda jakit o likau kan, me Torkaj wiadar ni a mimi re ’rail. 40 A Petruj kiiei jan ir karoj, ap kelepuki kapakap, ap jaupei on kalep o majani: Tapea, paurida! I ari pad pajan, kilanada Petruj, ap modadar. 41 I ari koledi pa a, kauada i. A lao eker pena me jaraui o li odi kan, ap kajale on irail i a maureda. 42 Ari a loki jili nan Iope, o me toto pojonla Kaun o. 43 I ari kotikoteta Iope ran toto ren jaun me wiada kil en man amen, me ad a Jimon.