51
Talodalo e dangidangi gi dumaalia anga* Taahili ni David ne hai i muli soukohp Nathan ne helekai gi mee i dono hai di huaidu be di manu ang gi Bathsheba (2 Samuel 12.1-15)
1 Meenei God, Goe dumaalia mai gi di au, mai i do manawa aloho dee odi.
Goe weedee ogu huaidu gi daha mo au mai i do dumaalia aamua.
2 Gaugau ina gi daha mo au ogu huaidu huogodoo,
haga madammaa ina gi daha ogu huaidu!
3 Au e iloo ogu huaidu,
ogu huaidu e modongoohia eau i nia madagoaa huogodoo.
4 Au guu hai dagu ihala, gu hai baahi adu gi di Goe,
ma go Kooe hua dela ne hai baahi ginai au.
Au guu hai di mee huaidu dela guu hai Kooe bolo di huaidu.
Malaa, Goe e donu hua ma ga hagi aga au,
gei e donu hua ma ga haga donu mai au bolo au e hala.* Romans 3.4
5 Au tangada hua huaidu mai i dogu laangi ne haanau ai.
Au ne haanau mai, gei au tangada hua huaidu.
6 Goe e hiihai gi di manawa madammaa ge e donu.
Haga honu ina ogu hagamaanadu gi do kabemee.
7 Daawa ina gi daha ogu huaidu, gei au ga madammaa.
Gaugau ina au, gei au koia ga madammaa giagia i nia ‘snow’.
8 Heia au gi hagalongo gi nia lee tenetene mo manawa lamalia.
Ma e aha maa Goe gu haga mooho ogu dudaginga mo ogu iwi,
gei au ga manawa lamalia laa.
9 Huli gi daha mo ogu huaidu, weedee ogu huaidu huogodoo.
10 Meenei God, heia mai gi ogu lodo di manawa madammaa,
gaamai gi ogu lodo di hagataalunga hoou ge manawa dahi.
11 Hudee hudu ina au gi daha mo Goe.
Hudee daawa ina dau Hagataalunga Dabu la gi daha mo au.
12 Gaamai labelaa di tenetene dela e hanimoi i do hagamouli.
Heia au gi hiihai e hagalongo adu gi di Goe.
13 Gei au ga aago au haganoho gi digau huaidu,
gei digaula ga maaliu mai gi di Goe.
14 Meenei God dogu Hagamouli, Haga dagaloaha ina dogu mouli,
gei au ga manawa lamalia ga hagadele oo donu.
15 Meenei Dimaadua, hagamaamaa ina au gii mee au di helekai,
gei au ga hagaamu Goe.
16 Goe hagalee hiihai gi nia tigidaumaha,
maa nei bolo Goe e hiihai, gei au gaa hai adu gi di Goe.
Goe hagalee e manawa tene gi nia tigidaumaha dudu.
17 Meenei God, dagu tigidaumaha la go di maaliu donu o dogu manawa.
Goe hagalee bae gi daha di maliu donu o dogu manawa
mo dogu manawa hila gi lala.
18 Meenei God, Goe gi manawa dumaalia gi Zion. Hagamaamaa ina a mee.
Hauhia labelaa nia abaaba o Jerusalem.
19 Malaa, gei Goe ga manawa tene gi nia tigidaumaha ala e donu
mo madau tigidaumaha dudu,
gei nia kau daane ga tigidaumaha i hongo dau gowaa dudu tigidaumaha.
*^ Taahili ni David ne hai i muli soukohp Nathan ne helekai gi mee i dono hai di huaidu be di manu ang gi Bathsheba (2 Samuel 12.1-15)