27
Nia haganohonoho digau dauwa mo digau oobidi
1 Aanei nia ingoo o nia dagi madahaanau, mo nia dagi madahaanau llauehe mo nadau gau aamua ala e dagi nia moomee o tenua. Di malama e dahi o di ngadau, di hagabuulinga e dahi ono daane e madalua maa haa mana (24,000) e hai nadau moomee i lala di tagi dauwa o di malama deelaa.
2-15 Aanei i lala nia ingoo nia dagi ang gi di malama e dahi:
Tahi malama: Jashobeam, tama daane a Zabdiel (mee tangada di madahaanau damana o Perez, di baahi ni di madawaawa Judah).
Di lua malama: Dodai, tangada di hagadili o Ahohi (Mikloth go dono dogolua dagi).
Tolu malama: Benaiah, tama daane a Jehoiada, tangada hai mee dabu. Mee go di tagi “Digau Motolu” (dana dama daane go Ammizabad ne pono dono lohongo gaa hai di tagi o di hagabuulinga deenei).
Di haa malama: Asahel, tuaahina daane o Joab (dana dama daane go Zebadiah ne pono di lohongo o maa).
Di lima malama: Shamhuth, tangada di hagadili o Izhar.
Di ono malama: Ira, tama daane a Ikkesh, tangada mai Tekoa.
Di hidu malama: Helez, tangada Ephraim mai Pelon.
Di walu malama: Sibbecai, tangada mai Hushah (mee tangada di madahaanau damana o Zerah, di baahi ni di madawaawa Judah).
Di hiwa malama: Abiezer, tangada mai Anathoth i lodo tenua o di madawaawa Benjamin.
Di madangaholu malama: Maharai, tangada mai Netophah (mee tangada di madahaanau damana o Zerah).
Di madangaholu maa dahi malama: Benaiah, tangada mai Pirathon i lodo tenua o di madawaawa Ephraim.
Di madangaholu maa lua malama: Heldai, tangada mai Netophah (mee tangada di hagadili o Othniel)
Digau e dagi nia madawaawa Israel
16-22 Aanei nia ingoo o digau ala e dagi nia madawaawa Israel:
| Di madawaawa | Tangada e dagi |
| Reuben | Eliezer, tama daane a Zichri |
| Simeon | Shephatiah, tama daane a Maacah |
| Levi | Hashabiah, tama daane a Kemuel |
| Aaron | Zadok |
| Judah | Elihu, tangada i nia duaahina daane o di King David |
| Issachar | Omri, tama daane a Michael |
| Zebulun | Ishmaiah, tama daane o Obadiah |
| Naphtali | Jeremoth, tama daane a Azriel |
| Ephraim | Hoshea, tama daane a Azaziah |
| Bahi i dai Manasseh | Joel tama daane a Pedaiah |
| Bahi i dua Manasseh | Iddo, tama daane a Zechariah |
| Benjamin | Jaasiel, tama daane a Abner |
| Dan | Azarel, tama daane a Jeroham. |
23 Di King David digi hihi nia daangada i baahi i lala nia ngadau e madalua, idimaa di hagababa o Dimaadua bolo ia gaa hai nia daangada Israel gi dogologowaahee gadoo be nia heduu ala i di langi.* Genesis 15.5; 22.17; 26.4 24 Joab, dela dono dinana go Zeruiah, gu daamada dana hihi tenua, malaa mee digi hagalawa ina dana hihi tenua. Dimaadua gu hagaduadua digau Israel, idimaa mai i di hihi tenua deenei. Malaa di hulu damana la digi hihi gi lodo nia beebaa oobidi King David.* 2 Samuel 24.1-15; 1 Kronikel 21.1-14
Digau benebene nia goloo king
25-31 Aanei nia ingoo digau benebene nia goloo king:
Nia hale dugu goloo di king: Azmaveth, tama daane a Adiel
Nia hale dugu goloo tenua: Jonathan, tama daane a Uzziah
Di moomee hadagee: Ezri, tama daane a Chelub
Nia hadagee waini: Shimei, tangada mai Ramah
Nia ruum dugu waini: Zabdi, tangada mai Shepham
Nia laagau olib mo nia laagau ‘sycamore’ (e tomo i baahi gi dai i tono nia gonduu): Baal Hanan, tangada mai Geder
Nia hale dugu lolo olib: Joash
Nia kau i lodo di gowaa mehanga gonduu o Sharon: Shitrai, tangada mai Sharon
Nia kau i lodo nia gowaa i mehanga gonduu: Shaphat, tama daane a Adlai
Nia manu ‘camel’: Obil, tangada digau Ishmael
Nia manu ‘donkey’: Jehdeiah, tangada mai Meronoth
Nia siibi mo nia kuudi: Jaziz, tangada digau Hagri.
Digau hagamaamaa a David
32 Jonathan, tuaahina daane ni tamana di King David, tangada e dau e hagamaamaa di hai nia maanadu ge kabemee. Meemaa mo Jehiel, tama daane a Hachmoni ala di nau waawa moomee e kuulu nia dama daane di king. 33 Ahitophel tangada hagamaamaa nia maanadu di king, gei Hushai tangada Archite go mee di hoo hagatenetene di king gei tangada hagamaamaa baahi gi nia haganoho. 34 I muli di made o Ahitophel* 2 Samuel 17.23, Abiathar mo Jehoiada, tama daane a Benaiah, guu hai nia daangada hagamaamaa di king. Joab la go di tagi dauwa o digau dauwa di king.