Paipel KÖLFEL 138
138
Kilisou ren än Kot feiöch
138.1-8
Echö än Tafit köl.
Ai Samol mi Lapalap, üa kilisou ngonuk ren unusen lelukei.
Üa kölün mwareituk me fän mesen ekewe kot.
Üa chapetiu ngeni imwom mi pin
o kilisou ngeni itom,
pokiten om tong ellet me om allükülük.
Pun en ka atekiatä itom me om kapas asen ekewe mettoch meinisin.
Lupwen üa kökkö, ka pälüeniei,
ka apworaei o apöchöküla lelukei.
 
Ai Samol mi Lapalap, ekewe king won fanüfan meinisin repwe mwareituk,
pun ra rongorong om kapas.
Iwe, repwe kölü om kewe föför,
pun a tekia lingom.
Inamwo ika ka fokun tekia,
ka afäli ekewe chon tekison.
Nge ka silleni ekewe chon lamalamtekia me toau.
 
Nge are üa nom lon riaföü,
en ka tümwünü manauei.
Ka ü ngeni ekewe chon oputaei mi song ngeniei
o amanauaei ren om manaman.
Ai Samol mi Lapalap, kopwe apwönüetä ekiekin letipom ngeniei.
Ai Samol mi Lapalap, om tong ellet a nonom tori feilfeilachök.
Kosap likitala ewe angang ka popuetä.