124
Kilisou ren ngasala seni chon oput
124.1-8
Echö kölün feitä än Tafit.
Chon Israel repwe apasa, “Are ewe Samol mi Lapalap esap nom rech,
are ewe Samol mi Lapalap esap nom rech,
lupwen aramas ra maun ngenikich,
repwe oromanauekichela
lon ar song mi watte ngenikich.
Iwe, ewe lölö epwe pwölükichela,
ewe öütöüt epwe purikichela,
nge nonoon ekewe koluk repwe pwölükichela.
Sipwe mwareiti ewe Samol mi Lapalap,
pun esap mwüt ngeni chon oputakich pwe repwe arosakichela.
Sa tiwela usun eman machang a tiwela seni ewe sär, ewe chon sär a soni.
Ewe sär a mwü, nge kich sa tiwela.
Alilisich a feito seni ewe Samol mi Lapalap,
ewe mi föri läng me fanüfan.