Paipel KÖLFEL 123
123
Eu iotekin tüngor ümöümöch
123.1-4
Echö kölün feitä.
Üa netä reöm, ai Samol mi Lapalap,
en ewe mi mot won ewe lenien motun king lon läng.
Usun mesen ekewe chon angang mwän ra netä ren ar samol,
pwal usun mesen eman chon angang fefin a netä ren an samol fefin,
iei usun mesach ra netä ren ewe Samol mi Lapalap ach we Kot,
tori epwe ümöümöch ngenikich.
 
Kopwe ümöümöch ngenikem, äm Samol mi Lapalap, kopwe ümöümöch ngenikem.
Pun a kon watte än aramas aitengauakem.
A kon langatam fansoun äm riaföü ren än ekewe mi wöümong esitakem,
pwal ren än ekewe mi lamalamtekia aitengauakem.