Paipel KÖLFEL 111
111
Aramas repwe mwareiti Kot
111.1-10
Ousipwe mwareiti ewe Samol mi Lapalap.
Üpwe kilisou ngeni ewe Samol mi Lapalap ren unusen lelukei
lon ewe mwichen chon wenechar, pwal lein ewe mwichen aramas.
Än ewe Samol mi Lapalap föför ra fokun amwarar,
chokewe meinisin mi pwapwaitiir ra ekinloneer.
An kewe föför ra fokun ling me manaman,
an pwüng a nonom tori feilfeilachök.
 
Ewe Samol mi Lapalap a föri pwe aramas repwe chechemeni an kewe föför mi amwarar.
A eäni kirikiröch o ümöümöch.
A ngeni chokewe mi niuokusiti i ener mongö.
A chechemeni an we pwon fansoun meinisin.
A pwäri ngeni nöün kewe aramas manamanen an kewe föför,
lupwen a ngeniir fanüen chon ekewe mwü.
 
A allükülük o pwüng lon mettoch meinisin a föri.
An kewe allük meinisin ra nükünük.
Ra nonomopos tori feilfeilachök,
Kot a föriir fän allükülük me wenechar.
A angasala nöün aramas
o föri eu pwon esemüch.
Itan a pin o eniweniu.
10 Niuokusiti ewe Samol mi Lapalap, iei poputän tipachem.
Chokewe meinisin mi föri iei usun ra fefeitä lon ar silelap.
Sipwe mwareiti Kot tori feilfeilachök. Hiop 28.28; SalF 1.7; 9.10

111:10: Hiop 28.28; SalF 1.7; 9.10