67
Echö kölün mwareiti Kot
67.1-7
Ngeni ewe mi emweni chon köl: Ren pisekin ettik mi wor saitenin. Echö köl.
Ai Kot, kopwe ümöümöch ngenikem o afeiöchükem,
kopwe netiu wom fän om kirikiröch,
pwe aramas won fanüfan repwe silei letipom,
nge chon ekewe mwü meinisin repwe silei om we angangen amanaua aramas.
Chon ekewe mwü repwe mwareituk, ai Kot,
chon ekewe mwü meinisin repwe mwareituk.
 
Chon ekewe mwü repwe pwapwa o köl fän ar pwapwa,
pun en ka apwüngü chon fanüfan fän pwüng,
ka pwal emweni chon ekewe mwü won fanüfan.
Chon ekewe mwü repwe mwareituk, ai Kot,
chon ekewe mwü repwe mwareituk.
 
Fanüfan a awora räs,
Kot ach Kot a afeiöchükich.
Kot a afeiöchükich.
Chon fanüfan meinisin repwe asamolu i.