Paipel KÖLFEL 43
43
Iotekin tüngor ngas
43.1-5
Ai Kot, kopwe aletätä ai pwüng
o peniei seni ekewe aramas resap aleasochis ngonuk.
Kopwe angasaei seni ekewe aramas mi atuputup o pwüngingau.
Pun en ewe Kot üa eänuk lenien op.
Pwota ka pöütieila?
Pwota üa chök ngüngüres
pokiten ai riaföü ren chon oputaei?
 
Kopwe tinato om saram me om let
pwe repwe emweniei,
repwe emwenieila ngeni chukum mi pin,
pwal ngeni imwom ia ka nom ie.
Mürin üpwe feila ren om rongen asor,
ai Kot en popun ai pwapwa mi fokun lapalap.
üpwe kölün mwareituk won ükülele,
en ai Kot.
 
Ngüni, pwota ka letipengau,
pwota ka ngüngü me loi?
Üpwe apilükülükü Kot,
pun üpwe mwareitisefäli
ai Chon Amanau me ai Kot.