Paipel KÖLFEL 2
2
Än ewe mi kepit me ren Kot nemenem
2.1-12
Pwota chon ekewe mwü ra rawangau,
nge ekewe aramas ra ekingau won mine a lomotongau?
Ekewe king won fanüfan ra ütä,
ekewe sounemenem ra pwüngüpwüngfengen usun ar repwe ü ngeni ewe Samol mi Lapalap,
pwal ngeni nöün we mi kepit.
Iwe, ra apasa, “Ousipwe mwütala fööfööch me rer
o pöütala senikich ar kei riri.” Föf 4.25-26
Nge Kot ewe mi mot won an lenien motun king lon läng a takir,
ewe Samol a ämängaueer.
Mürin epwe kapas ngeniir fän an song
o fokun eniwokusuur fän an lingeringer.
Iwe, a apasa, “Üa seikätä ai king lon wisan
me won Sion chuki we mi pin.”
Ngang üpwe pwärätä mine a pwüngüla me ren ewe Samol mi Lapalap.
Iwe, a üreniei, “En nei mwän, ikenai üa nounuk. Föf 13.33; Ipr 1.5; 5.5
Kopwe tüngorei, nge ngang üpwe ngonuk ekewe mwü pwe kopwe mwüni,
üpwe pwal ngonuk unusen fanüfan pwe kopwe fanüeni.
Kopwe atarela ren efoch wokomächä,
kopwe amökkükisiretiu usun eu sepi mi för seni pwül.” Pwär 2.26-27; 12.5; 19.15
10 Iei mine ämi kana king, oupwe tipachemela,
ämi sounemenem won fanüfan, oupwe miritila.
11 Oupwe angang ngeni ewe Samol mi Lapalap fän niuokus,
oupwe pwapwa fän chechech.
12 Oupwe mitiri ewe nau pwe esap song, nge ämi ousap mäfeiengau.
Pun a müttir fis an song.
Ra feiöch ir meinisin mi eäni i lenien op.

2:3: Föf 4.25-26

2:7: Föf 13.33; Ipr 1.5; 5.5

2:9: Pwär 2.26-27; 12.5; 19.15